ईब्‍रीपा 11:36 - ॱलोवा

³⁶ धेनी श्‍येम्‍माक्‍याला क्षाले ताङये धाङ ताच्‍याकगी दुङदाक फोक्‍पालाक धेनी रीङगाला च्‍याक्‍डोक ग्‍युवालाक धेनी रीङगाला चो़नला चुक्‍पालाक।

ईब्‍रीपा 11:36 ပူးပေါင်းရင်းမြစ်များ

मेथा 20:19

धेनी खोला याहुदापा मेन्‍गीन मीरीकक्‍याई लागला क्षाले ग्‍याप्‍ये धाङ ताजाक श्‍युरये धाङ ग्‍याङस्‍यीङला क्‍याङयेगी क्षीला, ची ग्‍याप्‍कीलाक। हीना ङीमा सुम्‍बागोला खो सो़न्‍पो श्‍याङगीलाक।”

मेथा 21:35

हीना होदेक्‍याई खी़ ॱयोक्‍पोक्‍याला ठीक्‍ती सोरी, च्‍यीकला दुङ च्‍यीकला से धेनी च्‍यीकला धोगोङ श्‍युरपालाक।

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

मेथा 27:26

धेनी खी़ खुङक्‍या क्षीला बाराब्‍बाला ॱलो़ तावालाक। धेनी येशुला ताजाक श्‍युरती, ग्‍याङस्‍यीङला क्‍याङयेला ॱमाक्‍मीक्‍याई लाकला ची ग्‍याप्‍पालाक।

मारकु 10:34

खुङक्‍याई खोला ॱमेटा पाप्‍कीलाक धेनी थी़याः ग्‍याप्‍कीलाक धेनी ताजाकगी श्‍युरकीलाक धेनी सेगीलाक। धेनी श्‍याक्‍मो सुम स्‍याम्‍ने, खो याङ सो़न्‍दी लाङगीलाक।”

लुका 18:32

घीझ्‍येरी ॱनाना खोला याहुदापा मेन्‍गीन मीरीकक्‍याई लागाला ची ग्‍याप्‍कीलाक। धेनी खुङक्‍याई खोला ॱमेबेप ताङगीलाक धेनी ङोजा पाप्‍ती छीमाक तोरकीलाक।

लुका 23:11

धेनी हेरोदे धाङ ॱमाक्‍मीक्‍याई, खोङबाला ॱमेटा पाप्‍ती क्षाले ग्‍याप्‍पालाक। धेनी खोङबाला घो़ खाक्‍क्षे च्‍यीक को़न्‍दी, पीलातुचारु ॱलोक्‍ती झावालाक।

लुका 23:36

धेनी ॱमाक्‍मीक्‍यागीयाः होरी खोङबाला घुन्‍क्षाङ क्‍युरमुगो तेरती, ॱमेज्‍यु तारी ॱनेवालाक,

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 24:27

लो ङी छासारती फेलीकगी छापला पोरकीहु फेस्‍तु होवालाक। धेनी फेलीकगी याहुदापाक्‍याला ङ्यामो घारु च्‍युक्‍येला, पाउलुला चो़न्‍खाङ नाङदुराङ श्‍याक्‍पालाक।

जेपा 4:3

धेनी खुङक्‍याई पेटो धाङ योहान्‍नाला शीम्‍दी, ङीमा स्‍याम्‍मागो थुक्‍पे चो़न्‍खाङदु धाक्‍पालाक घीझ्‍येरी ॱनाना होदे घाङला ॱरो रुक्‍सा हो़तालाक।

जेपा 5:18

धेनी खुङक्‍याला शीम्‍दी आटाला धाक्‍पालाक।

जेपा 5:40

धेनी खुङ घीरी खी़ ॱनागीनला ङेन्‍बालाक। खुङक्‍याई कुछापक्‍याला नाङदु केक तारी ताजाक श्‍युरती, येशुगी छेनने धाब्‍ले लाबक्‍या ॱमास्‍ये ॱनेरी झावालाक।

जेपा 8:3

हीना साउलगी क्षो़छोक मेताला ताङयेला, नाङ-नाङला सोरी भीजा धाङ भोमो घीरीला ढी़दी सोरी आटा नाङदु दाक्‍तु च्‍युक्‍पालाक।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

२ तीमोथेउ 1:16

चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।