ईब्‍रीपा 11:35 - ॱलोवा

³⁵ भोमोक्‍याला राङगी नाङमी स्‍यीस्‍याक्‍या, छीवाने सो़न्‍पो झ्‍युरी थोप्‍पालाक। धेनी श्‍येम्‍माक्‍याई छीवाने ॱलार सो़न्‍दी, छे देने ल्‍हाक शाङा छे थोप्‍येगी क्षीदु, राङवाङगो खेमेलेन्‍दा दुक्‍पुगो ङ्याङवालाक।

ईब्‍रीपा 11:35 ပူးပေါင်းရင်းမြစ်များ

मेथा 22:30

घीझ्‍येरी ॱनाना सो़न्‍पो लाङाराङ, खुङक्‍या ॱनामा लेन्‍ये धाङ ॱनामाला तेरये मीझ्‍यीदालाक हीना नाम्‍खे श्‍यीङखामदु भाङछेनक्‍या च्‍योक्‍रे झ्‍युङालाक।

मारकु 12:25

घीझ्‍येरी ॱनाना स्‍यीसागीन मी सो़न्‍दी लाङना, होदे मी को़न्‍क्षोकगी भाङछेनक्‍या च्‍योक्‍रे झ्‍युङगीलाक धेनी ॱनामा लेन्‍ये धाङ ॱनामाला डोये झ्‍यीगीमालाक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

लुका 20:36

खुङक्‍या नाम्‍खे भाङछेनक्‍या च्‍योक्‍रे झ्‍येरी, खुङक्‍या याङ स्‍यीगीमालाक। धेनी खुङक्‍या छीवाने सो़न्‍पो लाङ सारसा झ्‍येरी, खुङक्‍या को़न्‍क्षोकगी से धाङ सेमो लाक।

योहान्‍ना 5:29

धेनी फीला थो़न्‍दी हुङगीलाक। ले शाङा झ्‍यीगीन घीरी छेसोक थोप्‍ये क्षीला, सो़न्‍पो लाङये धाङ ले ङेन्‍पा झ्‍यीगीन घीरी ङेपा फोक्‍येगी क्षीला सो़न्‍पो लाङगीलाक।”

जेपा 22:29

देरे घोरलुङ मेताला खोला ढीवा झ्‍यीयेला हुङगीन घीरी उक्‍कुरा ग्‍याप लोक्‍पालाक। धेनी पाउलु रोमापा झ्‍येरीया, होदेरे झ्‍येरी च्‍याक्‍थाकगी धाम्‍दु च्‍युक्‍ती, ॱमाक्‍पो़नगोवा जीक्‍पालाक।

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 24:15

धेनी देक्‍याई यीच्‍चे झ्‍यीगीन च्‍योक्‍रे, को़न्‍क्षोकगी मी शाङपो धाङ मी ङेन्‍पा घीरीला छीवाने सो़न्‍पो जेगीलाक ॱनागीन लाब देला, ङाः रेवा झ्‍यीदाहीन।

जेपा 4:19

हीना पेटो धाङ योहान्‍नागी खुङक्‍याला लेन ॱलोक्‍पालाक, “हेक्‍या को़न्‍क्षोकगी खाला ङेन्‍ये याङना खेराङक्‍याई खाला ङेन्‍ये? को़न्‍क्षोकगी ॱमीक्‍वादु घारेगो ढाङा ले? खेराङक्‍याराङ थाक चेरो जे।

जेपा 9:41

धेनी पेटोगी खोरी लाक्‍पा तेरती, मो टोङी लाङयेला रोवा झ्‍येवालाक। खी़ श्‍येम्‍मा धाम्‍पे मीक्‍या धाङ युक्‍जामाक्‍याला भो़री मो सो़न्‍पो तो़न्‍बालाक।

१ कोरीन्‍थुपा 15:54

धेनी मेताला डोगीनगी मेताला मेडोगीन धाङ छीवाला डोये हीन्‍गीन ली़गी, छीवा मेगीन ली़ला ग्‍युरी घाङला देरे ढीक्‍टा कागो डुप्‍कीलाक, “छीवा नी ॱमाक थाप्‍कीनला फाम्‍बालाक।”

फीलीप्‍पीपा 3:11

धेनी घाने ॱहाला झ्‍युङ थुप्‍ये हो़ना, ङा छीवाने ॱलार सो़न्‍पो लाङ थुक्‍वास्‍योक ॱनेरी रेवा हो़क।