ईब्‍रीपा 11:27 - ॱलोवा

²⁷ धेपागी गोने खी़ ग्‍यावुगी थुक्‍ठो़ला माजीक्‍वा, एजेप युने थो़न्‍दी सोवालाक। घीझ्‍येरी ॱनाना ॱमीकगी थोङ ॱमीथुक्‍कीन को़न्‍क्षोकला थोथा च्‍योक्‍रे, खो तेन्‍पो झ्‍येरी धेपालाक।

ईब्‍रीपा 11:27 ပူးပေါင်းရင်းမြစ်များ

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

मारकु 13:13

धेनी ङी मीङगी क्षीला खेक्‍याला, मी घीरीगी थेदा मीझ्‍यीगीलाक। हीना थागी धी़चो़ थुक्‍पे शो़पा झ्‍येरी धेगीनक्‍या क्‍योप्‍कीलाक।”

मारकु 4:17

हीना चावा मेगीन झ्‍येरी, तीते माना धे थुक्‍कीमालाक। धेनी कागी झ्‍येरी काङे धाङ दुक्‍पु झ्‍युङी घाङला, खुङक्‍या उक्‍कुरा धेपाने ग्‍याप ॱलोक्‍कीलाक।

जेपा 2:25

ग्‍यावु दावीदगीयाः खोङबागी कोरला देरे सुङ हो़तालाक, ‘ङी चोवोला च्‍योई ङी दोङदु थोङहो़क। खोङबा ङी लागा ये स्‍योकला श्‍युकहो़क, होझ्‍येरी ङा जीक घोये मेक।

१ कोरीन्‍थुपा 13:7

धेनी झाम्‍पागी घीरी शो़पा झ्‍यीदालाक धेनी दो़न घीरीला यीच्‍चे झ्‍यीदालाक धेनी दो़न घीरीला रेवा झ्‍यीये धाङ दो़न घीरीला दुक्‍री़ झ्‍यीदालाक।

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

ईब्‍रीपा 10:32

एम्‍मागी ङीमाक्‍याला खेक्‍या ढेन्‍सो़ झ्‍यी। को़न्‍क्षोकगी हो़ थोप्‍सारती स्‍याम्‍ने, खेक्‍याई दुक्‍पु माङा ङ्यावालाक हीना खेक्‍याई शो़पा झ्‍येवालाक।

ईब्‍रीपा 11:1

धा धेपा नी, होरी रेवा झ्‍यीगीन दो़नगी ॱलोते धाङ होरी ॱमीकगी ॱमेथोङगीन, दो़नक्‍याई रेवा तेन्‍पोगो लाक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।