ईब्‍रीपा 11:17 - ॱलोवा

¹⁷ धेपागी गोने को़न्‍क्षोकगी आब्‍राहामला छो़ता जेदाराङ, खोङगी राङगी भीजा ईसाकला ॱमारछो़ पुवालाक। खोङला धाम्‍चाक्‍या थोप्‍तीयाः राङगी भीजा च्‍यीक च्‍यीगारागोला, ॱमारछो़ पुयेला डाढीक झ्‍युवालाक।

ईब्‍रीपा 11:17 ပူးပေါင်းရင်းမြစ်များ

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

२ कोरीन्‍थुपा 8:12

घीझ्‍येरी ॱनाना श्‍यान्‍देप पुयेला दो़पा हो़ना, खेक्‍याला मेगीनगोने मेन्‍दा हीना हो़गीनगोने पुगीनगोला को़न्‍क्षोक थुक्‍ङेउ जेगीलाक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 7:6

हीना लेवी ग्‍युपाने मेन्‍गीन, मेल्‍कीजेदेकगी आब्‍राहामने ग्‍याजा च्‍यु धी़वालाक। धेनी को़न्‍क्षोकगी धाम्‍चा थोप्‍था, आब्‍राहामला खी़ झ्‍यीलाप ॱनावालाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ पेटो 4:12

चेवेक्‍याओ, खेक्‍याला छो़ता झ्‍यीयेला मे च्‍योक्‍रे, दुक्‍पु खीकी खाला भाप्‍ना, खेक्‍याला खेन्‍छा च्‍यीक झ्‍युङगीन च्‍योक्‍रे ॱहाङ ॱमासाङ।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।