ईब्‍रीपा 11:13 - ॱलोवा

¹³ धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 11:13 ပူးပေါင်းရင်းမြစ်များ

मेथा 13:17

ङा खेक्‍याला धेन्‍पाराङ ॱनाहीन, ॱङो़नस्‍येखेन धाङ मी ढाङा माङक्षेगी, खेक्‍याई थोङगीनगो थोङये दो़पालाक हीना ॱमाथोवालाक धेनी खेक्‍याई घोरकीनगो, ङेन्‍ङी दो़पालाक हीना ॱहामाघोरपालाक।”

योहान्‍ना 12:41

यस्‍यायागी येशुगी शीजे थोरी, खोङबागी कोरला देरे सुवालाक।

योहान्‍ना 8:56

खीकी याप आब्‍राहामगी ङी ङीमा थोङङी दो़पालाक धेनी खोङगी थोरी ङ्यामो घेवालाक।”

रोमापा 4:21

धेनी को़न्‍क्षोकगी जेजा धाम्‍चागो जे थुप्‍कीन नी़थु, खोङबाला हो़तालाक ॱनेरी आब्‍राहाम तेन्‍देन हो़तालाक।

रोमापा 8:24

धा रेवा दी झ्‍येरीराङ होराङला थारपा थोप्‍पालाक। हीना ॱमीकगी थोङगीन रेवा नी, रेवा राङ मालाक। ॱमीकगी थोङगीनला सी़ रेवा झ्‍यीगीलाक से?

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

२ कोरीन्‍थुपा 5:6

होझ्‍येरी हेक्‍याला च्‍योई यीच्‍चे तेन्‍पो हो़क। धेनी दे ली़ नाङदु ॱनेगीन थुक्‍पे, होराङ चोवोने थाक्‍रीङा हो़तालाक ॱनेरी होराङला स्‍येये हो़तालाक।

एफीसुपा 2:19

होझ्‍येरी धा देने ॱहाला, खेक्‍या यु श्‍येम्‍मागी मी याङना ङो ॱमेस्‍येगीन मी मालाक हीना धाम्‍पे मीक्‍यामुला यु च्‍यीक्‍पा धाङ को़न्‍क्षोकगी नाङमीक्‍या लाक।

ईब्‍रीपा 11:14

देरे ॱनागीन मीक्‍याई राङगी क्षीदु, यु च्‍यीक चारी धेगीनगो सावो तो़न्‍दालाक।

ईब्‍रीपा 11:17

धेपागी गोने को़न्‍क्षोकगी आब्‍राहामला छो़ता जेदाराङ, खोङगी राङगी भीजा ईसाकला ॱमारछो़ पुवालाक। खोङला धाम्‍चाक्‍या थोप्‍तीयाः राङगी भीजा च्‍यीक च्‍यीगारागोला, ॱमारछो़ पुयेला डाढीक झ्‍युवालाक।

ईब्‍रीपा 11:27

धेपागी गोने खी़ ग्‍यावुगी थुक्‍ठो़ला माजीक्‍वा, एजेप युने थो़न्‍दी सोवालाक। घीझ्‍येरी ॱनाना ॱमीकगी थोङ ॱमीथुक्‍कीन को़न्‍क्षोकला थोथा च्‍योक्‍रे, खो तेन्‍पो झ्‍येरी धेपालाक।

ईब्‍रीपा 11:39

खुङक्‍या घीरीला धेपागी गोने को़न्‍क्षोकगी थुक्‍ङेउ जेपालाक हीना धाम्‍चा जेजागो, खुङक्‍याला ॱमाथोप्‍पालाक।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

१ योहान्‍ना 3:19

देनेराङ होराङ धेन्‍पागी हीन्‍गीन धाङ खोङगी दोङदु, होरी सेम ॱलोदेवा शोगीनगो, होरी स्‍येलालाक।