ईब्‍रीपा 10:35 - ॱलोवा

³⁵ होझ्‍येरी खेक्‍याई ॱङीङतोपगो ङ्याम्‍दु ॱमाच्‍युक घीझ्‍येरी ॱनाना खेक्‍याला ज्‍यागा क्षे थोप्‍कीलाक।

ईब्‍रीपा 10:35 ပူးပေါင်းရင်းမြစ်များ

मेथा 10:32

“होझ्‍येरी मी दोङदु ङाला खेलेन्‍गीनक्‍याला, ङा नाम्‍खे श्‍यीङखामदु श्‍युक्‍कीन ङी यापगी दोङदु खेलेन झ्‍यीयेहीन।

मेथा 10:42

ङी ङेनेक्‍याने च्‍युङा च्‍यीकला, क्षु ढाङमो फोरा घाङ च्‍यीक हीन्‍ना तेरकीनगोला, ङा धेन्‍पाराङ ॱनाहीन खी़ ज्‍यागागो घानेयाः तोरकी मालाक।”

मेथा 5:12

नाम्‍खे श्‍यीङखामदु खेक्‍याई क्षीला ज्‍यागा क्षे हो़तालाक होझ्‍येरी घागा-कीगी झ्‍यी घीझ्‍येरी ॱनाना खेक्‍याई एन्‍ला हो़गीन ॱङो़नस्‍येखेनक्‍याला, खुङक्‍याई देरेराङ झ्‍येरी दुक्‍पु तावालाक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

एफीसुपा 3:12

धेनी मास्‍यीकाला होरी धेपा धाङ खोङबागी थोक्‍ने, होराङ को़न्‍क्षोकगी डुङदु ॱङीङक्षे धाङ ॱलोतेक्षे झ्‍येरी डो थुबालाक।

ईब्‍रीपा 10:19

होझ्‍येरी पी़नक्‍याओ, येशुगी कुठाकगी गोने, धाम्‍पे धाम्‍पा ॱनेसा नाङदु जुयेगी ॱलोगोक, होराङला हो़तालाक।

ईब्‍रीपा 11:26

खी़ माउपारगी ज्‍यागाला ॱमीक्‍ती, एजेप युगी तेर ले, मास्‍यीकागी क्षीदु दुक्‍पु ङ्याङयेगो ॱयोल्‍ले खाक्‍क्षे चीवालाक।

ईब्‍रीपा 2:2

नाम्‍खे भाङछेनक्‍याई सेटाक झ्‍येजा, कागो ॱङोन्‍नेगी धेन्‍पा हीन्‍गीन झ्‍येरी, क्षो़ठीम ॱमीरुङगीन धाङ काला मेङेन्‍गीनक्‍याई क्षीदु, थोप घोये छेपागो फोक हो़तालाक।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

२ योहान्‍ना 1:8

हेक्‍याई डुप्‍टा दो़नगो खेक्‍याई स्‍योरतु ॱमाच्‍युक हीना खेक्‍याला ज्‍यागा छाङगो थोप्‍ये क्षीला, खेक्‍या शाप-शाप झ्‍यी।