ईब्‍रीपा 10:20 - ॱलोवा

²⁰ होरी दो़न्‍दु येशु ढोङा जेगीनगी गोने, धाम्‍पे धाम्‍पा ॱनेसागी योल्‍वा पे जेदी, होदे नाङदु जुयेगी लाम साबा धाङ सो़न्‍पो च्‍यीक को़ जेपालाक।

ईब्‍रीपा 10:20 ပူးပေါင်းရင်းမြစ်များ

मेथा 27:51

धा होदे घाङलाराङ को़न्‍क्षोकगी क्षो़खाङ नाङगी योल्‍वा, गोने गाप थुक्‍पे दुबु ॱङीला रावालाक। धेनी सायोम ग्‍याप्‍पालाक धेनी डाकक्‍या गेवालाक।

मारकु 15:38

धेनी क्षो़खाङगी योल्‍वागो गोने गाप थुक्‍पे, दुबु ॱङीला रावालाक।

लुका 23:45

धेनी ङीमागी हो़क डीप्‍पालाक धेनी क्षो़खाङगी योल्‍वागो खाक ॱङीला रावालाक।

योहान्‍ना 10:7

होझ्‍येरी येशुगी खुङक्‍याला धाब्‍ले सुङा जेपालाक, “ङा खेक्‍याला धेन्‍पा धेनक्‍याङ ॱनाहीन, लुक्‍रागी घो नी ङा हीन।

योहान्‍ना 10:9

ङा नी घोगो हीन। ङा थोक्‍ने जुगीनगो क्‍योप्‍कीलाक धेनी नाङला हुङ, फीला डो झ्‍येरी चापाङ ॱङेगीलाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

एफीसुपा 2:15

दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 6:19

रेवा दे नी, सेमगी तीङधो च्‍योक्‍रे, ॱरा धाङ तेन्‍पो हो़तालाक। धेनी दी होराङला क्षो़खाङ नाङगी योल्‍वाने, को़न्‍क्षोकगी धाम्‍पे ॱनेसारु ठीयालाक।

ईब्‍रीपा 9:3

होदुरु योल्‍वा च्‍यीक हो़तालाक धेनी योल्‍वागी ग्‍यापला धाम्‍पे धाम्‍पा ॱनेसा ॱनागीन, खीम ॱङीवागो हो़तालाक।

ईब्‍रीपा 9:8

दे घीरीगी थोक्‍ने खीम धाङपोगो हो़गीन थुक्‍पे, धाम्‍पे धाम्‍पा ॱनेसा नाङदु जुजा मेतालाक ॱनेरी, धाम्‍पे थुक्‍ङीगी तो़न जेदालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 4:2

येशु मास्‍यीका कुली़ला फेप्‍पालाक ॱनेरी, खेलेन झ्‍यीगीन सेम्‍ङी घीरी को़न्‍क्षोकने लाक। दी गोने को़न्‍क्षोकगी थुक्‍ङी खेक्‍याई ङो स्‍येलालाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।