गालातीयापा 6:7 - ॱलोवा

⁷ राङगी राङला गो ॱमाकोर। को़न्‍क्षोकला सी़या क्षाले झ्‍यी थुक्‍कीमालाक। घीझ्‍येरी ॱनाना मी च्‍यीकगी घी ताप्‍यी, होदेगी ढेबुराङ धुगीलाक।

गालातीयापा 6:7 ပူးပေါင်းရင်းမြစ်များ

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 21:8

धेनी खोङबागी सुवालाक, “च्‍याङजे झ्‍यी, खेक्‍याला सी़या ॱमाली़वास्‍योक। घीझ्‍येरी ॱनाना मी माङागी ङी मीङ खेरती ‘ङा खोराङ हीन।’ ॱनेरी हुङगीलाक धेनी ‘धी़चो़ ङ्येरु ॱलेप्‍सादुक’ ॱनेरी ॱनागीलाक। खेक्‍या खुङक्‍याई स्‍याबाला माडाङ।

१ कोरीन्‍थुपा 15:33

राङला गोकोर ताङदु ॱमाच्‍युक। “रोवा ङेन्‍पामुला धेप्‍ना, चो़पा शाङागो मेताला डोवालाक।”

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

२ कोरीन्‍थुपा 9:6

ङी ॱनागीनगी दो़न नी दे लाक, साङा ङ्युङा ताप्‍कीनगी लोदोक ङ्युङा दुवालाक धेनी साङा माङा ताप्‍कीनगी लोदोक माङा दुवालाक।

गालातीयापा 6:3

मी च्‍यीकगी राङ घीया मेन्‍दा राङला च्‍यीक हीन ॱनेरी साम्‍ना, खी़ राङ-राङला गोकोर ताङालाक।

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

याकोब 1:22

काला ङेन्‍ये च्‍यीगा झ्‍युरी, राङला गोकोर ॱमाताङ हीना काला सुङगीन च्‍योक्‍रे झ्‍यीगीन झ्‍युङ।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

१ योहान्‍ना 1:8

होरी धीक्‍पा माझ्‍येहो़क ॱनेरी ॱनाना, होराङक्‍या राङला गोकोर ताङालाक धेनी होरी नाङ धेन्‍पा मेयोङालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”