गालातीयापा 5:17 - ॱलोवा

¹⁷ घीझ्‍येरी ॱनाना ली़गी दो़पाक्‍या धाम्‍पे थुक्‍ङीगी दो़पाला ॱमीथी़न्‍दालाक धेनी धाम्‍पे थुक्‍ङीगी दो़पा ली़गी दो़पाला ॱमीथी़न्‍दालाक। धेनी दे ॱङीउ डा झ्‍युरी, खेक्‍याई थेगीन लेगा झ्‍यीरु ॱमीच्‍युक्‍कीलाक।

गालातीयापा 5:17 ပူးပေါင်းရင်းမြစ်များ

मेथा 12:30

“ङी छोकला मेगीन घीरी, ङी डाला हुङालाक धेनी ङीमुला मीधुगीन घीरी तोरकीलाक।

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 16:23

हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

मेथा 26:41

खेक्‍या छो़ताला ॱमाली़वास्‍योक ॱनेरी, ॱङी मालोक्‍वा सोवा ग्‍योप। सेमगो नी डाढीक दुक हीना ली़गो क्‍योवा दुक।”

मेथा 5:6

ढाङतेनगी क्षीला तोक्‍कीन धाङ कोम्‍गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई दो़पा खाङगीलाक।

लुका 22:33

धेनी पेटोगी ॱनेवालाक, “चोवो, ङा खेराङमुला चो़न्‍खाङदु डोये धाङ स्‍यीयेलाः डाढीक हो़क।”

लुका 22:46

धेनी खोङबागी खुङक्‍याला सुवालाक, “खेक्‍या घीझ्‍येरी ङ्यारी धेदाले? लोङ धेनी छो़ताला ॱमीछी़येगी क्षीदु सोवा ग्‍योप।”

योहान्‍ना 3:6

स्‍याठाकने केक्‍यागो स्‍याठाक लाक धेनी थुक्‍ङीने केक्‍यागो सेम्‍ङी लाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

याकोब 3:2

घीझ्‍येरी ॱनाना होराङ घीरी नोन्‍डु माङा झ्‍यीदालाक। राङगी स्‍येगीन तामला नोन्‍डु मीझ्‍यीगीन मी नी, याङदाक्‍पा मी च्‍यीक लाक धेनी खी़ राङगी शु घीरीला च्‍याक ग्‍याप थुक्‍कीलाक।