गालातीयापा 5:15 - ॱलोवा

¹⁵ हीना खेक्‍या सेम्‍चेन च्‍योक्‍रे च्‍यीकगी च्‍यीकला क्‍यो़न तारी दुक्‍पु तेरना, खेक्‍या खेराङक्‍यानेराङ मेताला डो माघोवास्‍योक ॱनेरी शाप-शाप झ्‍यी।

गालातीयापा 5:15 ပူးပေါင်းရင်းမြစ်များ

मारकु 3:25

धेनी खाङबा च्‍यीकगी नाङ ॱमीथी़न्‍ना, खाङबा दे ॱने ॱमीथुप्‍कीलाक।

१ कोरीन्‍थुपा 3:3

खेक्‍या धान्‍दाः जीक्‍तेन्‍पा राङ दुक। घीझ्‍येरी ॱनाना खीकी खोक्‍दु ठादोक धाङ थाप्‍चो़ हो़नाः, खेक्‍या जीक्‍तेन्‍पा माले धेनी मी क्‍युमाक्‍या च्‍योक्‍रे चो़पा झ्‍यीदा माले?

२ कोरीन्‍थुपा 11:20

घीझ्‍येरी ॱनाना मीक्‍याई खेक्‍याला ॱयोक्‍पो शो़ना याङना खेक्‍याला हो़गीन घीरी ठोक्‍ना याङना खेक्‍याने खेब्‍साङ लेन्‍ना याङना खेक्‍याला ॱङ्याप्‍चो़ स्‍येना याङना खीकी डाबाला डाम्‍चा श्‍युरनाः, खेक्‍या शो़पा झ्‍यीदीक।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

गालातीयापा 5:20

कुन्‍डाला क्षो़गीन धाङ ङेन ॱङाक धाङ दाङसेम धाङ धुगा धाङ ठादोक धाङ श्‍येताङ धाङ राङदो़ धाङ छोक झ्‍यीगीन धाङ खा डागीन धाङ

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

फीलीप्‍पीपा 3:2

की च्‍योक्‍रे मीक्‍या धाङ लेगा ङेन्‍पा झ्‍यीगीनक्‍या धाङ पाउ चेगीनक्‍याने जेम्‍दी धो़क।

कोलोसेपा 2:8

मी सु च्‍यीकगीया खेक्‍याला खुङ मेगीन धाङ ॱली़गीन ॱलापच्‍याक्‍याई थोक्‍ने, वाङदु धी़रु ॱमाच्‍युक। देक्‍या नी, मास्‍यीकागी थोक्‍ने मेन्‍दा, मीगी लुक्‍सो़ धाङ जीक्‍तेनगी तावाक्‍याला तेन्‍दालाक।

याकोब 3:14

हीना खीकी सेम नाङदु ठादोक खाक्‍तीया धाङ राङदो़गी दो़क्षाक हो़ना, खेक्‍या खेवा हो़क ॱनेरी खाप्‍ले स्‍येदी, धेन्‍पाला शोक ॱमास्‍ये।