गालातीयापा 3:23 - ॱलोवा

²³ हीना धेपा माडुप्‍कीन एन्‍ला, होराङ क्षो़ठीमगी होकला छी़ हो़तालाक धेनी धेपा ॱङो़न्‍सुमदु माग्‍युरकीन थुक्‍पे, होराङ ॱनेम्‍दी धे हो़तालाक।

गालातीयापा 3:23 ပူးပေါင်းရင်းမြစ်များ

योहान्‍ना 3:34

को़न्‍क्षोकगी ॱङाक्‍ङागी़ को़न्‍क्षोकगी का सुङालाक घीझ्‍येरी ॱनाना खोङबागी, खोला धाम्‍पे थुक्‍ङी छे मेग्‍या ॱनाङालाक।

रोमापा 11:32

घीझ्‍येरी ॱनाना मी घीरीला थुक्‍जे ॱनाङयेगी क्षीला, को़न्‍क्षोकगी घीरीला काला मेङेन्‍गीन चो़न्‍पा च्‍योक्‍रेराङ श्‍याक जेपालाक।

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

गालातीयापा 3:19

धा हाना क्षो़ठीम ॱनाङगीनगी दो़नगो घी ले? धाम्‍चा ॱनाङना से दे ॱमाफेप्‍कीन थुक्‍पे, ङेक्‍यो़नक्‍या तो़न्‍ये क्षीला को़न्‍क्षोकगी भाङछेनक्‍यागी बारमी च्‍यीकगी थोक्‍ने, क्षो़ठीम ॱनाङा जेपालाक।

गालातीयापा 4:21

खे क्षो़ठीमगी वाङगी होकला धेङी दो़गीनक्‍या, ङाला ॱनो़दाङ, क्षो़ठीमगी ॱनागीनगो खेक्‍या ॱहामेघोराई?

गालातीयापा 5:18

हीना खेक्‍या धाम्‍पे थुक्‍ङीगी थोक्‍ने ठीया जेना, खेक्‍या क्षो़ठीमगी वाङगी होकदु मेतालाक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।