गालातीयापा 2:20 - ॱलोवा

²⁰ ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 2:20 ပူးပေါင်းရင်းမြစ်များ

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 10:11

“ङा नी, लुक्‍जी शाङपोगो हीन। लुक्‍जी शाङपोगी लुकक्‍याई क्षीला, राङगी ॱरोक ॱलो़ ताङालाक।

योहान्‍ना 15:13

राङगी ढोक्‍पोक्‍याई दो़न्‍दु राङ ॱरोक ॱलो़ ताङगीनने ल्‍हाक, झाम्‍पा श्‍येम्‍मा मेक।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:35

यापगी सेला झाम्‍पा जेदी, घीरी सेगी क्षाकदु ॱनावालाक।

योहान्‍ना 6:57

सो़न्‍पो यापगी ङाला ॱङाक्‍ती, ङा यापला तेन्‍दी सो़न्‍पो ॱनेलाहीन। दे च्‍योक्‍रे ङाला शागीनगोवा ङाला तेन्‍दी सो़न्‍पो ॱनेगीलाक।

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

रोमापा 1:17

धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 14:7

होराङ सुवाः राङगी क्षीदु छोवा ॱमेक्‍यालालाक धेनी सुवाः राङगी क्षीदु ॱमीस्‍यीलालाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 5:2

येशुगी होराङला धेपागी थोक्‍ने, धान्‍दा होराङ ॱनेती धेता थुक्‍जेगी नाङ ठीक्‍ती होवालाक। धेनी को़न्‍क्षोकगी शीजे नाङ च्‍यारयेगी रेवा श्‍याक्‍ती, होराङ घाटो झ्‍यीदालाक।

रोमापा 5:6

होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 6:8

धा होराङ मास्‍यीकामुला स्‍यीवा हीन्‍ना, होराङ खोङमुला छोवाः क्‍यागीलाक ॱनेरी, होराङ यीच्‍चे झ्‍यीदालाक।

रोमापा 8:10

हीना मास्‍यीका खेक्‍याई नाङ श्‍युक हो़ना, धेनी धीक्‍पागी झ्‍येरी खेक्‍याई ली़गो स्‍यी हो़नाः, ढाङतेनगी झ्‍येरी खेक्‍याई सेमगो सो़न्‍पो हुङालाक।

रोमापा 8:37

हीना दे ॱनेछु घीरीगी नाङलाः हेला झाम्‍पा जेगीनगी थोक्‍ने, हेला ग्‍याखा छाङगो थोप हो़तालाक।

१ कोरीन्‍थुपा 6:17

हीना चोवोमुला डेगीन नी, खोङमुला थुक्‍ङीने च्‍यीक झ्‍युङालाक।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 10:3

घीझ्‍येरी ॱनाना हेक्‍या जीक्‍तेन देला मीछे क्‍यानाः, जीक्‍तेन्‍पे ॱमाक नी ॱमेटावालाक।

२ कोरीन्‍थुपा 11:10

धेनी ङी ङोम्‍सो झ्‍यीगीन दे मास्‍यीकागी धेन्‍पागो, ङी सेम नाङला हो़गीन थुक्‍पे, आकाईया युछोकदु सी़या काक ॱमीथुक्‍कीलाक।

२ कोरीन्‍थुपा 13:3

घीझ्‍येरी ॱनाना मास्‍यीकागी ङी थोक्‍ने, कामो़न सुङगीनगी पाङपोगो खेक्‍या चालालाक। धेनी खीकीमुला ढेवा जेदाराङ खोङबा क्‍योवा मेतालाक हीना खीकी घुङदु खोङबा स्‍युक्‍क्षे हो़तालाक।

२ कोरीन्‍थुपा 13:5

राङगी धेपाला खेक्‍या ॱनेदुई याङना मीदुई ॱनेरी, राङला ताक्‍चा झ्‍यी। राङला छो़ता झ्‍यी। छो़ताला ॱमेथारना, येशु मास्‍यीका खीकी नाङ ॱनेगीनगो खेक्‍याई स्‍येघु मालाक से?

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

२ कोरीन्‍थुपा 5:7

घीझ्‍येरी ॱनाना हेक्‍या थोङगीनला तेन्‍ती मेन्‍दा, धेपागी गोने मीछे क्‍यालालाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 3:11

को़न्‍क्षोकगी डुङदु क्षो़ठीमगी थोक्‍ने, सुवा दाक्‍कीमालाक ॱनेरी सावो हो़तालाक घीझ्‍येरी ॱनाना, “ढाङतेन्‍पा नी धेपागी थोक्‍नेराङ सो़न्‍पो ॱनेगीलाक।”

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

एफीसुपा 3:17

धेनी धेपागी थोक्‍ने, मास्‍यीका खेक्‍याई सेम नाङदु श्‍युक्‍वास्‍योक धेनी झाम्‍पा नाङ चावा तीङ रीङबो, धाङ तेन्‍पो झ्‍युरी

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

एफीसुपा 5:25

ख्‍योवाक्‍याओ, राङगी केमीक्‍याला चेवा झ्‍यी घीझ्‍येरी ॱनाना मास्‍यीकागीया क्षो़छोकला चेवा जेदी, राङगी कुसोक होदेगी क्षीला ॱलो़ ताङा जेपालाक।

फीलीप्‍पीपा 1:21

घीझ्‍येरी ॱनाना ङी क्षीदु सो़न्‍पो धेयेगी दो़न नी, मास्‍यीका लाक धेनी छीवा नी खेब्‍साङ लाक।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ थेसालोनीकेपा 5:10

होराङ सो़न्‍पो धेना स्‍यी हो़ना खोङबा मुलाराङ धेयेला, खोङबा होरी क्षीला ढोङ जेपालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 8:3

चो क्षो़पो़न हो़लेगो, क्षो़पा धाङ ॱमारछो़क्‍या पुयेगी क्षीदु को़वालाक। होझ्‍येरी होदे चो क्षो़पो़नलाः क्षो़पा पुये रे घो़वालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

ॱङो़न्‍पा 3:20

तो़दाङ, ङा घो डामदु लारी घो दुङाहीन। धेनी ङी केक घोरती, घो पेना ङा नाङदु जुयेहीन धेनी होदे मीमुला शामा शायेहीन धेनी होदे ङीमुला शागीलाक।