एफीसुपा 1:10 - ॱलोवा

¹⁰ धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

एफीसुपा 1:10 ပူးပေါင်းရင်းမြစ်များ

मेथा 25:32

मीरीक घीरी खोङगी दोङदु रुप्‍कीलाक धेनी लुक्‍जी च्‍यीकगी राक्‍याई खोक्‍ने, लुकक्‍या पेगीन च्‍योक्‍रे खोङगी मी देक्‍याला ॱयेवा जेगीलाक।

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

१ कोरीन्‍थुपा 10:11

खुङक्‍या खाला झ्‍युजा दे घीरी, होरी क्षीदु पे झ्‍युङयेला लाक। धेनी होराङ धी़गी थाला ॱलेप हो़गीनक्‍याला ङेन्‍ता झ्‍युङयेला, देक्‍या ढीक्‍ती श्‍याक हो़तालाक।

१ कोरीन्‍थुपा 11:3

हीना केवे-भु घीरीगी उ नी मास्‍यीका लाक धेनी केमीगी उ नी, मोरी ख्‍योवा लाक धेनी मास्‍यीकागी उ नी को़न्‍क्षोक लाक ॱनेरी, खेक्‍याई स्‍येगीनगो ङा दो़दीहो़क।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

एफीसुपा 1:22

धेनी को़न्‍क्षोकगी घीरी मास्‍यीकागी श्‍याप होकदु श्‍या जेपालाक। धेनी क्षो़छोकगी क्षीदु खोङबाला घीरीगी उ को़ ॱनावालाक।

एफीसुपा 2:15

दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

एफीसुपा 3:2

खेक्‍याई क्षीला को़न्‍क्षोकगी थुक्‍जेगी लेगेनगो, ङाला ॱनाङ हो़गीनगी कोरला, खेक्‍याई घोर हो़तालाक ॱनेरी ङी सामीहो़क।

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

कोलोसेपा 1:20

धेनी को़न्‍क्षोकगी खोङगी ग्‍याङस्‍यीङगी कुठाकगी थोक्‍ने, श्‍यीदे जेदी साश्‍यी याङना नाम्‍खे श्‍यीङखामगी घीरी, खोङगी थोक्‍ने राङमुला दोमा जेपालाक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

१ पेटो 1:20

जीक्‍तेन ॱमाको़ एन्‍लाराङ मास्‍यीकाला दामा जेपालाक हीना खेक्‍याई क्षीदु थामे धी़ला खोङबा ॱङो़न्‍दा जेपालाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।