जेपा 9:36 - ॱलोवा

³⁶ योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

जेपा 9:36 ပူးပေါင်းရင်းမြစ်များ

मेथा 25:17

होझ्‍येरीराङ सेरगी टाङगा ङीतोङ हो़गीनगी़, यालीङ टाङगा ङीतोङ साक्‍पालाक।

योहान्‍ना 15:5

“ङा नी, घुन्‍डुम स्‍यीङदोङ हीन धेनी खेक्‍यागो याक्‍काक्‍या हीन। ङी नाङ सु ॱनेली धेनी खी़ नाङ ङा ॱनेना, खोला ढेबु माङा क्षाक्‍कीलाक घीझ्‍येरी ॱनाना ङाने डारी, खेक्‍याई घीया झ्‍यी ॱमीथुक्‍कीलाक।

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

जेपा 10:23

पेटोगी होदे मीक्‍याला नाङदु भो़री, होदे छेन्‍मुगो ङ्यारु च्‍युक्‍पालाक। ॱङेटोगो खो डाढीक झ्‍येरी खुङक्‍यामुला सोवालाक। धेनी योफाने धेपा-झ्‍यीगीन रीङगा खी़मुला सोवालाक।

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 10:8

होदुरु झ्‍युजा घीरी खी़ खुङक्‍याला स्‍येदी, खुङक्‍याला योफारु झावालाक।

जेपा 11:13

खी़ हेक्‍याला भाङछेन च्‍यीक खोरी नाङदु, खी़चारु थोरी देरे सुङगीनगो हेला स्‍येजुङ, ‘योफारु मी च्‍यीकला सीमोन ॱनागीन पेटोला भो़रु झोङ।

जेपा 11:5

“योफा ग्‍याजारु ङा ॱमो़लाम ग्‍यावी घाङला, ङी थोङनाङ च्‍यीक थोजुङ। रे क्षे च्‍योक्‍रे च्‍यीक नाम्‍खे श्‍यीङखामने, शुर श्‍यीने ताक्‍ती, ङी खाला भाप्‍कीन ङी थोजुङ।

जेपा 9:38

योफा लुडा ग्‍याजाने ङ्येमोमा हो़तालाक। धेनी योफारु हो़गीन धेपा झ्‍यीगीनक्‍याई पेटो लुडारु दुक ॱनेरी घोरती, मी ॱङी झारी लो़न दे कुरपालाक, “हो़च्‍चो़-हो़च्‍चो़, मागोरा हीकी चारु लाम्‍साङ फेप्‍रोझ्‍यी।”

जेपा 9:42

दे लाब दे योफा घीरीला ढाम्‍बालाक धेनी मी ॱमीच्‍यीकी मागी चोवोला धेपा झ्‍येवालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

१ थेसालोनीकेपा 4:10

धेनी खेक्‍याई माकेडोनीयारु हो़गीन पी़न्‍दा घीरीला, देरेराङ झाम्‍पा झ्‍यीदालाक। धेनी धोराङा देला ल्‍हाक झ्‍यीरोझ्‍यी ॱनेरी, हेक्‍याई श्‍योवा हो़क।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।