जेपा 9:13 - ॱलोवा

¹³ आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

जेपा 9:13 ပူးပေါင်းရင်းမြစ်များ

मेथा 10:16

“धा ङा खेक्‍याला चुङगुक्‍याई खोकला, लुकक्‍या च्‍योक्‍रे झाङाहीन होझ्‍येरी डुल च्‍योक्‍रे डुङपो धाङ फुक्‍रो़नक्‍या च्‍योक्‍रे झोङा झ्‍युङ च्‍यीक।

जेपा 22:4

चोवोगी लामला डुगीन मीक्‍याला स्‍यीये थुक्‍पे ङी दुक्‍पु तावी। केवे ख्‍योवा धाङ केमीक्‍याला शीम्‍दी, ङी चो़न्‍खाङला दाक्‍तु च्‍युक्‍पी।

जेपा 8:3

हीना साउलगी क्षो़छोक मेताला ताङयेला, नाङ-नाङला सोरी भीजा धाङ भोमो घीरीला ढी़दी सोरी आटा नाङदु दाक्‍तु च्‍युक्‍पालाक।

जेपा 9:1

साउल धोराङा चोवोगी ङेनेक्‍याला, सेयेला जीक्‍टा कुली हो़तालाक। धेनी खो चो क्षो़पो़नचारु सोरी, चोवोगी लामला डोगीन ङेने फो-मो घीरीला शीम्‍दी, येरुसालेमला ठीक्‍ती हुङयेला दामासेकोगी छोक्‍खाङक्‍याई पो़न्‍पोक्‍याला छोक्‍चेनगी यीक्‍चा श्‍यी़वालाक।

जेपा 9:21

धेनी खोला ङेन्‍गीन घीरी ॱमीच्‍यीकी ॱहालेरी देरे ॱनेवालाक, “दे मी नी येरुसालेमदु येशुगी छेन भो़गीनक्‍याला मेताला ताङगीनगो माले? धेनी खुङक्‍याला शीम्‍दी क्षो़पो़न क्षेक्‍या चारु ठीक्‍ती डोयेला, खो दुरु होवा माले?”

जेपा 9:32

पेटो ॱहाला-छुला साजा घीरीरु ढु ग्‍याप्‍पालाक धेनी लुडा ग्‍याजारु, हो़गीन धाम्‍पे मीक्‍या थुक्‍तु होवालाक।

जेपा 9:41

धेनी पेटोगी खोरी लाक्‍पा तेरती, मो टोङी लाङयेला रोवा झ्‍येवालाक। खी़ श्‍येम्‍मा धाम्‍पे मीक्‍या धाङ युक्‍जामाक्‍याला भो़री मो सो़न्‍पो तो़न्‍बालाक।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 15:31

युदेयारु हो़गीन धेपा मीझ्‍यीगीनक्‍याने, ङाला क्‍योप्‍ये धाङ येरुसालेमदु ङी खेरती डुगीन रोक्‍रामगो, को़न्‍क्षोकगी मीक्‍याई खे लेन्‍दास्‍योक ॱनेरी ॱमो़लाम ग्‍योप।

रोमापा 16:15

धेनी फीलोलोगो धाङ युलीया धाङ नेरेयु धाङ खी़ नुमो धाङ ओलीम्‍पा धाङ खुङक्‍यामुला हो़गीन को़न्‍क्षोकगी मी हो़लेला छाम्‍डी श्‍यी़।

रोमापा 16:2

को़न्‍क्षोकगी मीक्‍याला थी़न्‍गीन च्‍योक्‍रे, मोला चोवोगी नाङ खेलेन झ्‍यी धेनी मोला घो़गीन घी हो़ना होदेला रोक्‍राम झ्‍यी ॱनेरी, ङा खेक्‍याला श्‍योवा पुलाहीन घीझ्‍येरी ॱनाना मी़ मी माङा धाङ ङालाः रोक्‍राम झ्‍येवालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 14:33

घीझ्‍येरी ॱनाना को़न्‍क्षोक नी, गो ठुक्‍तु च्‍युक्‍कीन को़न्‍क्षोक मेन्‍दा श्‍यीदेगी को़न्‍क्षोक लाक। धाम्‍पे मीक्‍याई क्षो़छोक घीरीगी डोताङला तेन्‍दी,

१ कोरीन्‍थुपा 16:1

धा धाम्‍पे मीक्‍याई क्षीदु श्‍यान्‍देप पुयेगी कोरला, ङी गालातीयागी क्षो़छोकक्‍याला का तेरता च्‍योक्‍रे, खेक्‍याई झ्‍यी।

१ कोरीन्‍थुपा 6:5

खेक्‍याई ङोजा पाप्‍येगी क्षीदु ङा दे ॱनाहीन। खेक्‍याने मास्‍यीकावा पी़नक्‍या, नाङगी ॱङ्योक्‍टाक्‍याई ठीम चे थुक्‍कीन मी खेवा सुवाः मेतालाक से?

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

फीलीप्‍पीपा 4:22

खेक्‍याला धाम्‍पे मी घीरीगी धेनी ॱमीक्‍सेदु केसारगी फोडाङदु हो़गीनक्‍याई, छाम्‍डी श्‍यी़क।

कोलोसेपा 1:2

कोलोसे ग्‍याजारु हो़गीन मास्‍यीकाला ॱलो का थुप्‍कीन धाम्‍पे पी़नक्‍याला, होरी याप को़न्‍क्षोकने थुक्‍जे धाङ श्‍यीदे, खेक्‍याला थोप्‍पास्‍योक।

ईब्‍रीपा 13:24

खेक्‍याई गोठी घीरी धाङ धाम्‍पे मी घीरीला छाम्‍डी श्‍यी़। ईटाली युने हुङगीनक्‍याई खेक्‍याला छाम्‍डी श्‍यी़क।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।