जेपा 8:31 - ॱलोवा

³¹ होदे मीगी लेन ग्‍याप्‍पालाक, “सी़ च्‍यीया ङाला दी दो़न्‍दाकगो ॱमाटो थुक्‍पे, ङा घाङ झ्‍येरी ॱहाघोरये?” धेनी खी़ फीलीपला स्‍यीङता खोरलो खाला, मुला श्‍युक्‍रो झ्‍यी ॱनेरी श्‍यी़वालाक।

जेपा 8:31 ပူးပေါင်းရင်းမြစ်များ

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

जेपा 8:30

धेनी फीलीप भाङ तारी, होदे भोलोक्‍तु सोवालाक। धेनी होदे मीगी यस्‍यायागी धेप ढोक्‍कीनगो खी़ ॱहाघोरपालाक। “ख्‍यी़ होदे ढोक्‍कीनगी दो़न्‍दाकगो ॱहाघोरी?” ॱनेरी फीलीपगी खोला ढीवालाक।

जेपा 8:32

खी़ सुङरापने ढोक्‍कीन छीक्‍छामगो दे लाक, “खो नी स्‍यावाला ठीक्‍कीन लुक च्‍योक्‍रे ठीक्‍पालाक, धेनी पु डेगीन दोङदु लुक्‍टु खाबा धेगीन च्‍योक्‍रे, खी़ खाने छीक च्‍यीया ॱमातो़न्‍बालाक।

रोमापा 10:14

धा ॱहाना खोङला धेपा माझ्‍येगीनक्‍याई, खोङला घाङगी झ्‍येरी भो़गुलाक से? धेनी खोङगी कोरला घोर माङ्युङगीनक्‍याई, घाङगी झ्‍येरी खोङला धेपा झ्‍यीगुलाक से? धेनी का सेटाक झ्‍यीगीन मेताला, घाङगी झ्‍येरी खुङक्‍याई ङेन्‍गुलाक से?

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

याकोब 1:10

हीना क्षुक्‍पुक्‍या ॱमावा झ्‍युङी घाङला, ङ्यामो घा झ्‍यीघो़ घीझ्‍येरी ॱनाना चागी मेन्‍तोक च्‍योक्‍रे खोवाः काम्‍दी डुगीलाक।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।