जेपा 28:30 - ॱलोवा

³⁰ लो ॱङी थुक्‍पे पाउलु रोमदु खाङबा ॱयारती धेदी, सु थुक्‍तु हुङना घीरीला फेप्‍सु झ्‍येरी धेपालाक।

जेपा 28:30 ပူးပေါင်းရင်းမြစ်များ

योहान्‍ना 1:39

खोङबागी सुवालाक, “स्‍योक धेनी तो़।” होझ्‍येरी खुङ ॱङीउ सोवालाक धेनी खोङबा श्‍युक्‍जागो थोवालाक। धेनी होदे घाङला छुची श्‍यीवा चो़ ॱलेप्‍सारती, होदे ङीमागो खुङक्‍या खोङबामुला धेपालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 24:27

लो ङी छासारती फेलीकगी छापला पोरकीहु फेस्‍तु होवालाक। धेनी फेलीकगी याहुदापाक्‍याला ङ्यामो घारु च्‍युक्‍येला, पाउलुला चो़न्‍खाङ नाङदुराङ श्‍याक्‍पालाक।

जेपा 28:16

हेक्‍या रोमदु ॱलेप्‍ती पाउलुला ॱमाक्‍मी ॱरुङगीन च्‍यीक श्‍याक्‍ती, खोराङ च्‍यीगा धेदु च्‍युक्‍पालाक।

जेपा 28:29

[खी़ दे लाब ॱनेसारती याहुदापाक्‍या खोराङ नाङदु थाप्‍यी-थाप्‍यी लोक्‍पालाक।]

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

रोमापा 15:32

धेनी को़न्‍क्षोकगी थुकोङगी थोक्‍ने, ङा खेक्‍याचारु ङ्यामो घेरी हुङये झ्‍युङगीलाक धेनी होराङ च्‍यीकगी च्‍यीक क्षीदु सेमस्‍युक झ्‍युङगीलाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 6:5

धेनी दुङदाक फोक्‍वाराङ धेनी चो़न नाङदु छी़दाराङ धेनी शीङटा लाङाराङ धाङ काल्‍ले ग्‍याराङ धेनी ॱङी मेताराङ धेनी फोवा तोक्‍वाराङ,

फीलीप्‍पीपा 1:13

दी दोक्‍पो नी, फोडाङगी ॱरुङमाकक्‍या धाङ श्‍येम्‍मा घीरीला ङा मास्‍यीकागी दो़नला, चो़न्‍खाङदु छी़गीनगो सावो झ्‍युदुक।

२ तीमोथेउ 1:17

हीना खो रोमला ॱलेप्‍ती, ङा ॱमाङेगीन थुक्‍पे ॱङीरी झ्‍येरी ङाला चावालाक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।