जेपा 28:14 - ॱलोवा

¹⁴ होदुरु धेपा-झ्‍यीगीन पी़न रीङगा, हेला थुक्‍सुङ धेनी खुङक्‍याई हेला धी़न्‍डा च्‍यीक धेयेला भो़जुङ। धेनी हेक्‍या रोमला ॱलेप्‍सुङ।

जेपा 28:14 ပူးပေါင်းရင်းမြစ်များ

मेथा 10:11

“धेनी खेक्‍या ग्‍याजा याङमेना यु घारु डोना, होदुरु खेक्‍याला धेदु च्‍युक्‍ङी दो़गीनगोला चो धेनी होदेने मेडोगीन थुक्‍पे होदुरुराङ धो़क।

योहान्‍ना 21:23

होझ्‍येरी ङेने दे स्‍यीगीमालाक ॱनेरी पी़नक्‍याई नाङला ख्‍याप्‍पालाक। हीना येशुगी खो स्‍यीगुमालाक सुरी ॱमासुवालाक हीना, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो?” सुरी सुवालाक।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

जेपा 20:6

हेक्‍यागो क्‍युरची मेगीन ग्‍याङगा शागीन धी़छेनगो तारी, फीलीप्‍पी ग्‍याजाने ग्‍याछोगी लाम्‍गा झ्‍युरी, ङीमा ॱङा स्‍याम्‍ने, खुङक्‍याला तोरोआसरु थुक्‍पालाक। होदुरु हेक्‍या ङीमा धी़न धेपालाक।

जेपा 21:4

धेनी होदुरु हो़गीन धेपा-झ्‍यीगीनक्‍याला हेक्‍या थुक्‍तु सोरी, खुङक्‍यामुला धी़न्‍डा च्‍यीक धेबी। धेनी धाम्‍पे थुक्‍ङीने ॱङो़न खेन्‍दी, होदेक्‍याई पाउलुला येरुसालेमदु माडो ॱनेरी श्‍योवा पुवालाक।

जेपा 28:13

होदेने सोरी हेक्‍या रीगीउनदु ॱलेप्‍पालाक। धेनी ङीमा स्‍याम्‍मागोला ल्‍हो स्‍योकने ॱलुङबु लावालाक धेनी श्‍याक्‍मो ॱङीवागोला हेक्‍या पोतीओलीदु ॱलेप्‍पालाक।

जेपा 28:15

हेक्‍या हुङगीनगो छोरती होदुरु धेपा-झ्‍यीगीन पी़नक्‍या आपेहुगी ठोम धाङ डो़न्‍खाङ सुम ॱनागीन थुक्‍पे, हेला थुक्‍तु होजुङ। खुङक्‍याला थोरी पाउलुगी को़न्‍क्षोकला थुक्‍जेक्षे श्‍युवालाक धेनी सेमस्‍युक फारपालाक।

जेपा 28:21

खुङक्‍याई ॱनेवालाक, “हेला ख्‍यी़ कोरला युदेयाने यीक ॱमालेप्‍सुङ। दुरु हुङगीन पी़न सी़या, ख्‍यी़ कोरला तामङेन स्‍येगीन माझ्‍युङ।

जेपा 6:3

होझ्‍येरी पी़न्‍दाक्‍याओ, खेराङक्‍या नाङने धाम्‍पे थुक्‍ङीगी खाङखा ॱनेरी स्‍येगीन धाङ स्‍येरापगी खाङखा मी धी़न दोम। धेनी हेक्‍या दे शामागी ची खुङक्‍याला ग्‍याप्‍येहीन।

जेपा 9:30

धेनी धेपा-झ्‍यीगीनक्‍याई दे ॱहाघोरती, खोला केसारयाला ठीक्‍ती खोरी यु टारसोरु झावालाक।

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।