जेपा 27:35 - ॱलोवा

³⁵ होदे ॱनेसारती खी़ ग्‍याङगा खेरती, घीरीगी दोङदु को़न्‍क्षोकला थुक्‍जेक्षे श्‍युवालाक। धेनी होदे च्‍याक्‍ती शेबालाक।

जेपा 27:35 ပူးပေါင်းရင်းမြစ်များ

मेथा 14:19

धेनी खोङबागी मीमाङक्‍याला चा खाला धेये का ॱनावालाक धेनी ग्‍याङगा ॱङा धाङ ङ्या ॱङीगो क्षाकला ॱनुम्‍दी, नाम्‍खा स्‍योकला शीक्‍ती को़न्‍क्षोकला काटीन्‍क्षे श्‍यी़वालाक। धेनी खोङबागी ग्‍याङगागो च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

मेथा 15:36

खोङबागी ग्‍याङगा धी़न धाङ ङ्यागो क्षाकला ॱनुमा जेदी, को़न्‍क्षोकला काटीन क्षे श्‍यी़वालाक। धेनी होदेक्‍या च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

मारकु 8:6

येशुगी मीक्‍याला साला धेये का ॱनावालाक। धेनी खोङबागी ग्‍याङगा धी़नगो क्षाकला ॱनुम्‍दी, काटीन क्षे श्‍यी़री च्‍या जेपालाक। धेनी मीमाङक्‍याला टाम्‍येला, खोङबागी ङेनेक्‍याला ॱनावालाक धेनी ङेनेक्‍याई होदेरेराङ झ्‍येवालाक।

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

योहान्‍ना 6:11

धेनी येशुगी ग्‍याङगा क्षाकला ॱनुमा जेदी, को़न्‍क्षोकला काटीन्‍क्षे श्‍यी़वालाक। धेनी होदुरु धेताक्‍याला घो़वालाक। होझ्‍येरीराङ ङ्यागो घो़री, खुङक्‍याई दो़गीन थुक्‍पे शेवालाक।

योहान्‍ना 6:23

धेनी चोवोगी थुक्‍जेक्षे श्‍यी़री, खुङक्‍याई ग्‍याङगा शागीन साजागी डामदु, तीबेरीयासने डु श्‍येम्‍माक्‍या होवालाक।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 14:6

ङीमा च्‍यीकला ॱमीक्‍सेगी खाक्‍क्षे चीगीनगी़ चोवोगी क्षीदु चीलालाक। धेनी शागीनगी चोवोगी क्षीदु शालाक घीझ्‍येरी ॱनाना खी़ को़न्‍क्षोकला काटीन्‍क्षे श्‍युवालाक। धेनी मेशागीनगी़ चोवोगी क्षीदु मेशालाक धेनी खी़ को़न्‍क्षोकला काटीन्‍क्षे श्‍युवालाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।