जेपा 25:19 - ॱलोवा

¹⁹ हीना खुङक्‍याई क्षो़ धाङ ढोसागीन येशु ॱनागीन मी च्‍यीकगी कोरला च्‍यीगा, खुङक्‍याई पाउलुमुला ठुक स्‍योरदुक। पाउलुगो ढोढा येशु सो़न्‍पो दुक ॱनेरी था पी़दी धेदुक।

जेपा 25:19 ပူးပေါင်းရင်းမြစ်များ

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 18:15

हीना दे लाब दे, छीकक्‍या धाङ मीङक्‍या धाङ खेराङक्‍याई क्षो़ठीम कोरला च्‍यीगा दुक। होझ्‍येरी खेराङक्‍याराङ दी ठीम चो़। ङा नी, लाब देरेक्‍याई ठीम्‍पो़न झ्‍युङयेमेन।”

जेपा 18:19

धेनी एफीसुरु ॱलेप्‍ती पीरीस्‍कीला धाङ आकुला होदुरुराङ धेपालाक। पाउलुगो एफीसुगी छोक्‍खाङदु सोरी, याहुदापाक्‍यामुला चो़लीङ झ्‍येवालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 23:29

हीना खोला से घोगीन याङमेना चो़न्‍खाङला धाक घोगीन लेगा ङेन्‍पा, खी़ माझ्‍येदुक ॱनेरी ङी ॱहाघोरजुङ। खी़ क्‍यो़न्‍जुकगो खुङक्‍याई क्षो़ठीमगी ढीवाक्‍याई कोरला दुक।

जेपा 25:18

धेनी खोला ठीम कागीनक्‍याई लाब ताङयेला लारी, खी़ लेगा ङेन्‍पा झ्‍येजुङ ॱनेरी क्‍यो़न तो़न्‍दी हेटु ॱनेरी, ङी साम्‍बी हीना खुङक्‍याई ङी साम्‍गीन च्‍योक्‍रे क्‍यो़न्‍जुक ॱमाकाजुङ।

जेपा 25:7

पाउलु ॱलेप्‍ती येरुसालेमने होवा याहुदापाक्‍या खी़ ॱये-ॱयो़नला लारी, खी़ कोरला ढामेढा क्‍यो़न छाप्‍क्षेक्‍या कावालाक। हीना होदेक्‍याई पाङपोगो तेर ॱमाथुक्‍पालाक।

जेपा 26:3

घीझ्‍येरी ॱनाना खेराङ याहुदापा क्षो़लुक धाङ ॱङ्योक्‍टागी कोरला ॱमीच्‍यीकी खेवा हो़तालाक ॱनेरी, ङाला क्षाहो़क। धा, ङी लाबला शो़पा घोम्‍दी सेन्‍रोनाङ।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।