जेपा 21:31 - ॱलोवा

³¹ खुङक्‍याई पाउलुला सेगु झ्‍यीदी घाङलाराङ, रोमापा ॱमाक्‍पो़न च्‍यीकगी येरुसालेम ग्‍याजा घीरी ठुक्‍ती धेगीन लाब ॱहाघोरपालाक।

जेपा 21:31 ပူးပေါင်းရင်းမြစ်များ

मेथा 26:5

हीना खुङक्‍याई ॱनेवालाक, “धी़छेन घाङला शीम्‍गु मालाक। शीम्‍ना मीमाङक्‍या खोकला शीङटाक लाङगीलाक।”

मेथा 27:27

धेनी चीख्‍यापगी ॱमाक्‍मीक्‍याई, येशुला चीख्‍यापगी फोडाङदु ठीक्‍ती ॱमाक्‍खाक घीरी, खोङबागी दोङदु रुप्‍पालाक।

मारकु 14:2

हीना खुङक्‍याई देरे साम्‍लो तावालाक, “होदे धी़छेन घाङला खोङबाला शीम्‍ये मेतालाक, देरे झ्‍यीना मीक्‍या ठुक्‍कीलाक।”

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 18:12

होदे स्‍याम्‍ने ॱमाक्‍पुङ धाङ खुङक्‍याई ॱमाक्‍पो़न धाङ याहुदापा ॱरुङमाकक्‍याई, येशुला शीम्‍दी दाम्‍बालाक।

जेपा 10:1

केसारयारु कोरनेलीहु ॱनागीन मी च्‍यीक हो़तालाक। खो ईटालीपा ॱमाक्‍छोकगी ग्‍यापो़न च्‍यीक लाक।

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 19:40

धीरीङगी दे दो़न मेगीन फेरा ग्‍याप्‍ती, होराङला लेगा आ झ्‍येजो ॱनेरी, रोमापा पो़न्‍पोगी छेपा का थुक्‍कीलाक घीझ्‍येरी ॱनाना दी कोरला लेन तेरये लाब घा घीन्‍दा मेतालाक।”

जेपा 21:38

श्‍याक्‍मो तीते एन्‍ला दे ग्‍याजाला ठुक्‍तु च्‍युक्‍ती, होदे मी ङेन्‍पा तोङ श्‍यीला रीतोङदु ठीक्‍ती डोगीन एजेप्‍पागो ख्‍यो़ माले?”

जेपा 22:22

खुङक्‍याई पाउलुगी लाब देचो़ थुक्‍पेराङ ङेन्‍बालाक। धेनी खुङक्‍याई देरे फेरा ग्‍याप्‍पालाक, “देरे मीला से घोगीलाक! धेनी देला सो़न्‍पो धेदु च्‍युक्‍ये मेतालाक!”

जेपा 23:17

धेनी पाउलुगी ग्‍यापो़न च्‍यीकला केक तारी ॱनेवालाक, “दे ख्‍योक्‍तोङला ॱमाक्‍पो़नचारु ठीक्‍ती सोङ। खो ॱमाक्‍पो़नला लाब च्‍यीक स्‍येये हो़तालाक।”

जेपा 24:22

फेलीकला चोवोगी लामगी कोरला घामोमा क्षा हो़तालाक। होझ्‍येरी खी़ ठीमगो थाक चेदी ॱनेवालाक, “ॱमाक्‍पो़न लुसीया दुरु ॱलेवी घाङला, लाब देला ङा ठीम चेयेहीन।”

जेपा 24:6

दे मीगी क्षो़खाङगोवा ॱमेचाङा शोये झ्‍येजुङ हीना खोला हीकी शीम्‍बी। [हेक्‍याई हेरी क्षो़ठीमगी थोक्‍ने, खोला ठीम चेये झ्‍येवी।

जेपा 24:7

हीना ॱमाक्‍पो़न लुसीया होरी, खोला हेक्‍याने ठोक्‍ती लाजुङ।

जेपा 25:23

ॱङेटोगो आगारीपा धाङ बेरनीके ॱमीच्‍यीकी तेमो क्षे झ्‍येरी, ॱमाक्‍पो़नक्‍या धाङ ग्‍याजागी मी खाक्‍क्षेक्‍यामुला जोम्‍खाङ नाङदु होवालाक। धेनी फेस्‍तुगी पाउलुला होदुरु ठीक्‍ती स्‍योक ॱनेरी का ॱनावालाक।

जेपा 26:21

होझ्‍येरी याहुदापाक्‍याई, ङाला क्षो़खाङने शीम्‍दी सेये झ्‍येजुङ।