जेपा 20:38 - ॱलोवा

³⁸ धेनी पाउलुगी खुङक्‍यामुला याङ नामाः थुक्‍कु मालाक ॱनागीन लाबला, खुङक्‍या ॱमीच्‍यीकी ॱलो फाम्‍बालाक। होदे स्‍याम्‍ने खुङक्‍याई पाउलुला डुशीङ थुक्‍पे क्‍यावालाक।

जेपा 20:38 ပူးပေါင်းရင်းမြစ်များ

जेपा 15:3

क्षो़छोकने झाजा मी देक्‍या फोनीके धाङ सामारीयाने झ्‍युरी, याहुदापा मेन्‍गीन मीरीकगी मीक्‍याः को़न्‍क्षोकला धेपा झ्‍यीगीन झ्‍यु हो़तालाक ॱनेरी स्‍येदी सोवालाक। दे लाब घोरती धेपा-झ्‍यीगीनक्‍या ॱमीच्‍यीकी ङ्यामो घेवालाक।

जेपा 20:25

धा ङा साजा-साजाक्‍याला सोरी, खेराङक्‍याला को़न्‍क्षोकगी ग्‍याखापगी कोरला ताम्‍शाङ स्‍येदी सोवी। हीना देने ॱहाला खेराङक्‍याने सी़या ङाला धाब्‍ले थोङगीमालाक ॱनेरी ङाला क्षाहो़क।

जेपा 21:16

केसारयागी धेपा-झ्‍यीगीन रीङगा हीकीमुला होवालाक। धेनी खुङक्‍याई हेक्‍याला मानासोन ॱनागीन, धेपा-झ्‍यीगीन ॱङीङबा च्‍यीकगी नाङदु धेयेला क्‍यावालाक। मानासोनगो साईपुरुस ग्‍याजाने लाक।

जेपा 21:5

घीहीन्‍ना, धी़न्‍डा च्‍यीक जोक्‍ती हेक्‍या खुङक्‍याने घोङपा श्‍युरी डोये झ्‍येवी। धेनी धेपा-झ्‍यीगीन आज्‍यो-नो, ईजी-नुमु धाङ टुवा घीरी हेक्‍याला, ग्‍याजा फी थुक्‍पे क्‍यारु होवालाक। धेनी हेक्‍या घीरी ग्‍याछोगी थामारु पीमु चुक्‍ती ॱमो़लाम ग्‍याप्‍पी।

जेपा 25:26

हीना खी़ कोरला ढीक्‍ती ग्‍यावुला कुरये, ङाला घीया मेक। होझ्‍येरी ङी खोला खेराङक्‍या दोङदु धाङ ॱङोन्‍ने झ्‍यीना ग्‍यावु आगारीपा खेराङगी दोङदु ठीक्‍ती हुङये थेवी। धेनी खेराङगी खोला ढीवा कु झ्‍यीना, ङाला ढीक्‍येगी छीक रे राई हेटु ॱनेरी ङाला रेवा हो़क।

१ कोरीन्‍थुपा 16:11

होझ्‍येरी सी़याः खोला थोङछुङ मीझ्‍यीयास्‍योक। धेनी खो ङीचारु लोक्‍येगी क्षीदु, खोला श्‍यीदेगी गोने खोरी लाम्‍दु झोङ। घीझ्‍येरी ॱनाना खो पी़नक्‍याईमुला हुङगुलाक ॱनेरी, ङा घुक्‍ती धेहो़क।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।