जेपा 20:30 - ॱलोवा

³⁰ खेराङक्‍या खोक्‍नेराङ क्षो़ शोक्‍पो तेरकीन मीक्‍या थो़न्‍दी, चोवोगी ङेनेक्‍याला खोराङक्‍या स्‍योकला ग्‍युरतु च्‍युक्‍कीलाक।

जेपा 20:30 ပူးပေါင်းရင်းမြစ်များ

मेथा 23:15

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या मी च्‍यीकला याहुदापा क्षो़ला ग्‍युरतु च्‍युक्‍येला, ग्‍याछो धाङ काम्‍साक्‍याला कोरा ग्‍यालाक। धेनी मी दे याहुदापा क्षो़ला ग्‍युरसाना, खेक्‍या खोला राङने दाप ॱङीने ल्‍हाक ॱङ्यावागी भु शोवालाक।

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 21:38

श्‍याक्‍मो तीते एन्‍ला दे ग्‍याजाला ठुक्‍तु च्‍युक्‍ती, होदे मी ङेन्‍पा तोङ श्‍यीला रीतोङदु ठीक्‍ती डोगीन एजेप्‍पागो ख्‍यो़ माले?”

२ कोरीन्‍थुपा 11:13

घीझ्‍येरी ॱनाना देरे मीक्‍या कुछाप शोक्‍पोक्‍या धाङ ॱली़टेगी लेगा झ्‍यीगीनक्‍या धाङ मास्‍यीकागी कुछाप हीन्‍दोक-दोक झ्‍यीगीनक्‍या लाक।

१ तीमोथेउ 5:13

देचो़ च्‍यीगा मेन्‍दा खुङक्‍या लेमेलाम्‍गीन झ्‍युरी, खीमने खीमदु ख्‍याम्‍दी लेमेलाम्‍गीन च्‍यीगा मेन्‍दा, ठामा ग्‍याप्‍कीन धाङ झ्‍यी़दोक झ्‍यीगीन धाङ ॱनाये मेगीन लाबक्‍या ॱनागीन झ्‍युङालाक।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।

ॱङो़न्‍पा 2:6

हीना खीकी स्‍योकला शाङागो घी दुक ॱनाना, ङा च्‍योक्‍रे खेक्‍यागीयाः नीकोलापाक्‍याई लेगाला दाङा झ्‍यीदालाक।