जेपा 20:25 - ॱलोवा

²⁵ धा ङा साजा-साजाक्‍याला सोरी, खेराङक्‍याला को़न्‍क्षोकगी ग्‍याखापगी कोरला ताम्‍शाङ स्‍येदी सोवी। हीना देने ॱहाला खेराङक्‍याने सी़या ङाला धाब्‍ले थोङगीमालाक ॱनेरी ङाला क्षाहो़क।

जेपा 20:25 ပူးပေါင်းရင်းမြစ်များ

मेथा 10:7

धेनी खेक्‍या डोवाराङ ‘नाम्‍खे ग्‍यासी ङ्ये ॱलेप्‍दुक।’ ॱनेरी सेटाक झ्‍यी।

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

लुका 16:16

क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

लुका 9:60

धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

जेपा 20:38

धेनी पाउलुगी खुङक्‍यामुला याङ नामाः थुक्‍कु मालाक ॱनागीन लाबला, खुङक्‍या ॱमीच्‍यीकी ॱलो फाम्‍बालाक। होदे स्‍याम्‍ने खुङक्‍याई पाउलुला डुशीङ थुक्‍पे क्‍यावालाक।

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

जेपा 8:12

हीना फीलीपगी को़न्‍क्षोकगी ग्‍याखाप धाङ येशु मास्‍यीकागी छेनगी कोरला स्‍येगीन, ताम्‍शाङगोला मीक्‍याई धेपा झ्‍येवालाक धेनी केवे-फो धाङ मो घीरीगी ठी़सो़ लेन्‍बालाक।

रोमापा 15:23

हीना धा दे युछोकक्‍याला ङी क्षीदु लेगा झ्‍यीजा साजा ल्‍हाक्‍मा मीदुक धेनी ङा लो माङपोने, खेक्‍याचारु हुङयेगी दो़पा क्षे झ्‍येरी,

गालातीयापा 1:22

होदे थुक्‍पे युदेया युदु हो़गीन मास्‍यीकागी क्षो़छोकक्‍याई, ङाला थोङ माङ्युङ हो़तालाक।

कोलोसेपा 2:1

खेक्‍या धाङ लाउदीकेयागी मीक्‍या धाङ ङी ङोरोङ थोङ माङ्युङगीन श्‍येम्‍मा मी घीरीगी क्षीदु, ङी ग्‍यापक्‍या काल्‍ले क्षेगो खेक्‍याई स्‍येलाझ्‍यी ॱनेरी, ङा दो़दीहो़क।