जेपा 20:21 - ॱलोवा

²¹ धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 20:21 ပူးပေါင်းရင်းမြစ်များ

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 6:12

धेनी खुङक्‍या होदेने सोरी मीक्‍याला धीक्‍पा पारी, सेम ग्‍युर घो़गीलाक ॱनेरी क्षो़ ॱलाप्‍पालाक।

लुका 13:3

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 15:7

ङा खेक्‍याला ॱनाहीन देरे झ्‍येरीराङ धीक्‍पा पारी सेमग्‍युर मेघोगीन, मी ढाङपो घुपच्‍यु घोरगुक्‍याने ल्‍हाक, धीक्‍पा पारी सेम ग्‍युरकीन मी धीक्‍चेन च्‍यीकगी क्षीला, नाम्‍खे श्‍यीङखामदु माङा ङ्यामो घा झ्‍युङगीलाक।”

लुका 16:28

घीझ्‍येरी ॱनाना ङाला पी़न ॱङा हो़क धेनी खुङक्‍याला दा ताङदु ताङा जे। मेन्‍ना खुङक्‍याः दे दुक्‍पु राक्‍कीन ॱङ्यावाला ॱलेप्‍टु।’

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 16:31

खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

जेपा 19:17

दे लाब दे एफीसुरु हो़गीन याहुदापा धाङ याहुदापा मेन्‍गीन मीरीकगी मीक्‍याई ॱहाघोरपालाक धेनी खुङक्‍या जीक्‍पालाक। धेनी खुङक्‍याई चोवो येशुगी छेनला ॱमीच्‍यीकी घुस्‍याप झ्‍येवालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 2:40

पेटोगी खुङक्‍याला ॱमीच्‍यीकी माङा लाबक्‍या ॱनेरी पाङपो तेरपालाक। धेनी होदेक्‍याला च्‍याक ग्‍याप्‍ती ॱनेवालाक, “धीक्‍जाङगी मीरीक धुकच्‍यागी खाला हुङगीन क्षेपाने ख्‍यो़ ख्‍यो़राङला क्‍योप।”

जेपा 20:23

ङाला चो़न्‍खाङदु धाक्‍कीन धाङ दुक्‍ङेल हो़गीन लाब, धाम्‍पे थुक्‍ङीगी ङाला ग्‍याजा रे-रेला तो़न जेसुङ।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 24:24

ङीमा घाजीङ स्‍याम्‍ने, फेलीक खोरी याहुदापा केमी दुरुसीलामुला होवालाक। धेनी पाउलुला केक तारी, खी़ येशु मास्‍यीकाला धेपा झ्‍यीगीनगी कोरला स्‍येगीनगो, खुङ ॱङीउगी ङेन्‍बालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 26:20

होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 8:25

पेटो धाङ योहान्‍नागी येशुगी पाङपो झ्‍यीये धाङ चोवोगी का स्‍येसारती, येरुसालेमदु लोक्‍पालाक। धेनी लाम्‍गाला डी़ घाङला, सामारीयागी यु माङक्षेला ताम्‍शाङगो स्‍येदी-स्‍येदी सोवालाक।

रोमापा 1:14

गीरीक केक स्‍येगीन याङना गीरीक केक ॱमेस्‍येगीन हीन्‍ना, धेनी खेवा याङना ॱलेन्‍दा हीन्‍ना, मी घीरीला ताम्‍शाङ स्‍येघोयेगी गेनगो ङी खुरहो़क।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 10:9

खेक्‍याई राङगी खागी “येशु नी चोवो लाक” ॱनेरी ॱनाना धेनी को़न्‍क्षोकगी खोङला छीवाने ॱलार सो़न्‍पो जेपालाक ॱनेरी, धेपा झ्‍यीना खेक्‍याला थारपा थोप्‍कीलाक।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

रोमापा 4:24

हीना होरी क्षीदुवाः ढीक्‍पालाक। होरी चोवो येशुला छीवाने कुसो़न्‍पो श्‍याङा जेगीन, को़न्‍क्षोकला धेपा झ्‍यीगीन होराङक्‍याला को़न्‍क्षोकगी ढाङपो चीगीलाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

१ कोरीन्‍थुपा 1:22

याहुदापाक्‍या ताक श्‍यी़लालाक धेनी गीरीकक्‍या स्‍येराप चालालाक।

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

एफीसुपा 1:15

होझ्‍येरी चोवो येशुला खेक्‍याई धेपा हो़गीन धाङ को़न्‍क्षोकगी धाम्‍पे मीक्‍याला, खेक्‍याई चेवागी कोरला ङी घोरती,

कोलोसेपा 2:5

घीझ्‍येरी ॱनाना ङा ली़गी थोक्‍ने खीकी घुङदु मेनाः, सेम्‍ङीगी थोक्‍ने खीकीमुला हो़क। धेनी खेक्‍याई थी़न्‍डील धाङ मास्‍यीकागी खाला खीकी धेपा तेन्‍पो हो़गीनगो ॱहाघोरती, ङा ङ्यामो घी हो़क।

फीलेमोन 1:5

घीझ्‍येरी ॱनाना चोवो येशुला ख्‍यी़ धेपा धाङ धाम्‍पे मी घीरीगी क्षीला, ख्‍यी़ चेवे कोरला ङी घोरी।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:5

जीक्‍तेन देला ग्‍यागा थोप्‍कीन नी सुले? येशुराङ को़न्‍क्षोकगी से लाक ॱनेरी, धेपा झ्‍यीगीनगो च्‍यीगा लाक।