जेपा 2:20 - ॱलोवा

²⁰ चोवोगी होदे खाक्‍क्षे धाङ शीजेक्षे ङीमा हुङगीन एन्‍ला, ङीमा मी़नाक्‍पा झ्‍युरी डुगीलाक धेनी दावा ठाक च्‍योक्‍रे ॱमाउ झ्‍युङगीलाक।

जेपा 2:20 ပူးပေါင်းရင်းမြစ်များ

मेथा 24:29

“होदे दुक्‍ङेलगी धी़चो़गी स्‍याम्‍ला, लाम्‍साङ ङीमा मी़नाक्‍पा झ्‍युङगीलाक धेनी दावागी हो़ तेरकीमालाक धेनी ॱनामने कारमाक्‍या ल्‍हीम्‍गीलाक धेनी नाम्‍खे श्‍यीङखामगी स्‍युकक्‍या ॱयो़गीलाक।

मेथा 27:45

धा ङीमा ढीप्‍ती, ङीङघुङने छुची सुम्‍बा थुक्‍पे यु घीरीदु मी़नाकगी खावालाक।

मारकु 13:24

“हीना होदे दुक्‍पु क्षेगी धी़चो़ स्‍याम्‍ने, ङीमा मी़नाक झ्‍युङगीलाक धेनी दावागी हो़ मेगीन झ्‍युङगीलाक।

लुका 21:25

“ङीमा, दावा धाङ कारमाक्‍याला ताकक्‍या थोङगीलाक। ग्‍याछो धाङ भालापगी हुर क्षेक्‍याई झ्‍येरी, दे जाम्‍बुलीङगी मीरीकक्‍या ॱमीच्‍यीकी जीक्‍ती ॱङाङडा केगीलाक।

जेपा 2:19

ॱनामदु ङा ॱहाङसागीन लेगाक्‍या तो़न्‍येहीन, धेनी होकगी जाम्‍बुलीङदु ताकक्‍या तो़न्‍येहीन, होदुरु ठाक धाङ मे धाङ धीबागी ॱरीङबा थोङगीलाक।

जेपा 2:21

हीना होदे घाङला चोवोगी मीङ भो़गीनक्‍या घीरीला, थारपा थोप्‍कीलाक।’

१ कोरीन्‍थुपा 5:5

देरे मीला धी़ सातानगी लाकला ची ग्‍योप। देरे झ्‍येरी खी़ धीक्‍पे ली़गो मेताला सोरी, चोवोगी ङीमाला खी़ सेम्‍ङीगो क्‍योप्‍कीलाक।

१ थेसालोनीकेपा 5:2

घीझ्‍येरी ॱनाना छेमु कुमा हुङगीन च्‍योक्‍रे, चोवोगी ङीमा हुङगीलाक ॱनेरी, खेक्‍या घामोमा स्‍येलालाक।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

ॱङो़न्‍पा 16:8

धेनी नाम्‍खे भाङछेन श्‍यीवागी़ राङगी फोरागो, ङीमा खाला पो़वालाक। धेनी मीक्‍याला मेगी ॱराक्‍येगी, आङजा ङीमाला तेरपालाक।

ॱङो़न्‍पा 6:12

धेनी ङी लुक्‍टुगी थेचे ढुक्‍पागो, स्‍यीक्‍कीनगो थोजुङ। धेनी होदुरु सुङगु क्षे च्‍यीक होजुङ। धेनी ङीमा नी, चीरे नाक्‍पो च्‍योक्‍रे धाङ दावा नी, ठाक च्‍योक्‍रे ॱमाउला ग्‍युरपालाक।