जेपा 19:22 - ॱलोवा

²² धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

जेपा 19:22 ပူးပေါင်းရင်းမြစ်များ

जेपा 13:5

सालामी ग्‍याजारु ॱलेप्‍ती, याहुदापाक्‍याई छोक्‍खाङक्‍या नाङदु जुरी, खुङक्‍याई को़न्‍क्षोकगी का स्‍येपालाक। होदे लेगाला रोवा झ्‍यीयेला, खुङक्‍याई मारकु ॱनागीन योहान्‍नालाः मुला ठीक हो़तालाक।

जेपा 16:1

पाउलु धेरबे धाङ लुस्‍टारु फेप्‍ती, होदुरु तीमोथेउ ॱनागीन ङेने च्‍यीक हो़तालाक। खी़ आमागो चोवो येशुला धेपा-झ्‍यीगीन याहुदापा लाक धेनी आकीगो गीरीक लाक।

जेपा 16:3

पाउलुगी खोला मुला ठीक्‍ङी दो़पालाक। धेनी याहुदापाक्‍याला घीन्‍दा क्‍यो़न माझ्‍युङवास्‍योक ॱनेरी, खी़ तीमोथेउगी पाउ चेदी ताक ग्‍याप्‍कीन ॱरोगो झ्‍येवालाक। घीझ्‍येरी ॱनाना होदे साजाला धेगीन याहुदापाक्‍याला, तीमोथेउगी आकी गीरीक लाक ॱनागीन लाब क्षा हो़तालाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 19:10

देरे झ्‍येरी लो ॱङी जोक्‍पालाक धेनी एशीयादु हो़गीन, याहुदापा धाङ याहुदापा मेन्‍गीन मीरीकगी मीक्‍यागीयाः चोवोगी का ङेन्‍बालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 19:29

धेनी लाम्‍साङ होदे ग्‍याजा नाङ घीरीदु ॱमीच्‍यीकी फेरा झ्‍युवालाक। मीक्‍या छाङगा ग्‍याप्‍ती होवालाक धेनी माकेडोनीयाने होवा पाउलुगी रोवा गायु धाङ आरीस्‍तारकुला, शीम्‍दी ग्‍याजागी तेमोखाङदु ठीक्‍पालाक।

जेपा 20:1

होदे फेरा घीरी तीङचोई झ्‍युसारती, पाउलुगी धेपा-झ्‍यीगीनक्‍याला मुला रुप्‍ती, खुङक्‍याला सेमस्‍युक पारकीन लाब स्‍येपालाक। धेनी घोङपा श्‍यी़री माकेडोनीया स्‍योकला सोवालाक।

जेपा 20:34

ङी ङारी राङगी लाक्‍पागी काल्‍ले ग्‍याप्‍ती, ङा धाङ ङारी रोवाक्‍याला घो़गीन घीरी चागीन लाब दे खेराङक्‍यालाः क्षा हो़तालाक।

रोमापा 16:23

धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्‍याला छाम्‍डी श्‍यी़क। धेनी ग्‍याजागी ॱङेरपा ईरासीतु धाङ नो कोआरतोसगी, खेक्‍याला छाम्‍डी श्‍यी़क।

२ कोरीन्‍थुपा 1:16

ङा माकेडोनीयारु डी़ घाङला, खेक्‍याला थुक्‍ये धेनी याङ माकेडोनीयाने खेक्‍याचारु लोक्‍ती हुङये धेनी खेक्‍याने राङ ङाला युदेयारु डोयेगी रोवा राक्‍येगो, ङी दो़पा झ्‍येहो़क।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 2:13

हीना होदुरु ङी पी़न तीतोसला ॱमाथुक्‍पा, ङी सेम कीदा माझ्‍युजुङ। होझ्‍येरी ङा खुङक्‍याने घोङपा श्‍यी़री, माकेडोनीयारु सोवी।

२ कोरीन्‍थुपा 8:1

पी़नक्‍याओ, को़न्‍क्षोकगी माकेडोनीयागी क्षो़छोकक्‍याला ॱनाङना थुक्‍जेगी कोरला, खेक्‍याई ॱहाघोकीनगो हेक्‍या दो़दीहो़क।

२ कोरीन्‍थुपा 8:19

होदे च्‍यीगा मेन्‍दा, चोवोगी शीजे ॱङो़न्‍ये धाङ हीकी रोक्‍राम झ्‍यीयेगी दो़पागो तो़न्‍येगी क्षीदु, हेक्‍याई झ्‍येरी धेता थुक्‍जेगी लेगा देला, हीकीमुलाराङ डु ग्‍याप्‍येला क्षो़छोकने खोला दाम्‍बालाक।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

२ तीमोथेउ 4:20

एरेस्‍तु नी, कोरीन्‍थु ग्‍याजारु धेजुङ धेनी तोरोफीमोस नेपा झ्‍युरी मीलेतुरु राङ श्‍याक्‍पी।