जेपा 18:28 - ॱलोवा

²⁸ घीझ्‍येरी ॱनाना खी़ सुङरापने येशुराङ मास्‍यीका लाक ॱनेरी पाङपो तेरती, याहुदापाक्‍याला मीमाङक्‍या दोङदु ॱमीच्‍यीकी वाङक्षे लाब तावालाक।

जेपा 18:28 ပူးပေါင်းရင်းမြစ်များ

लुका 1:80

धेनी टु योहान्‍ना ली़ला छारती, सेमला स्‍युक्‍क्षे झ्‍युवालाक। धेनी ईस्‍राएल्‍पाक्‍याई खोक्‍दु ॱङो़न्‍सुमदु ॱमाङो़न्‍गीन थुक्‍पे, खो रीतोङ स्‍योक्‍लाराङ धेपालाक।

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

जेपा 17:3

मास्‍यीकाला दुक्‍पु राक घोगीलाक धेनी छीवाने याङ सो़न्‍पो झ्‍युङघोगीलाक ॱनागीन लाब देला, खी़ खुङक्‍याला ढेस्‍ये ग्‍याप धेनी पाङपो तेर झ्‍येवालाक। धेनी “ङी खेक्‍याला ॱनागीन येशु खोङबाराङ मास्‍यीका लाक।” ॱनेरी खी़ ॱनेवालाक।

जेपा 18:25

खोला चोवोगी लामगी ॱलापच्‍या जोर हो़तालाक धेनी ॱङीङक्षे झ्‍येरी, येशुगी कोरला मीक्‍याला ताई-ताई ॱलापच्‍या तेरालाक। हीना खोला योहान्‍नागी ॱनाङगीन ठी़सो़गी कोरला च्‍यीगा क्षा हो़तालाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 8:35

धेनी फीलीपगी होदे सुङरापगी छीक्‍छामने गो चुक्‍ती, खोला येशुगी कोरला ताम्‍शाङगो स्‍येपालाक।

जेपा 9:22

हीना साउलगी कालोप स्‍युक क्षेरु-क्षेरु सोवालाक धेनी येशुराङ मास्‍यीका लाक ॱनेरी, खी़ तेरता पाङपोक्‍या तो़न्‍दी, दामासेकोरु हो़गीन याहुदापा मीक्‍या गो थोम्‍दी, लेन घीन्‍दा ग्‍याप ॱमाथुक्‍पालाक।