जेपा 18:26 - ॱलोवा

²⁶ खो याहुदापाक्‍याई छोक्‍खाङला ॱमीच्‍यीकी ॱङीङक्षे झ्‍येरी ॱलापच्‍या तेरालाक। हीना खी़ ॱलापच्‍या ङेन्‍दी, पीरीस्‍कीला धाङ आकुलागी खोला नाङदु ठीक्‍ती खोला को़न्‍क्षोकगी लामगी कोरला स्‍येदी, धोराङा साला ॱहाघोतु च्‍युक्‍पालाक।

जेपा 18:26 ပူးပေါင်းရင်းမြစ်များ

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

लुका 19:26

ग्‍यावुगी ॱनेवालाक, ‘ङा खेक्‍याला ॱनाहीन, हो़गीनला ॱयो़ल्‍ले माङा तेरकीलाक हीना मेगीनक्‍याने खोला हो़गीनगोवा खोने ठोक्‍कीलाक।

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 18:18

पाउलु श्‍याक्‍मो आरुङ माङा, कोरीन्‍थुरु धेपा-झ्‍यीगीनक्‍यामुला धेपालाक। धेनी खुङक्‍याने घोङपा श्‍युरी, खो पीरीस्‍कीला धाङ आकुलामुला ग्‍याछोगी लाम्‍गाने झ्‍युरी सीरीयारु सोवालाक। धेनी खी़ धाम्‍चा च्‍यीक श्‍याक्‍सा झ्‍येरी, खो केन्‍कीरीयाने डोये एन्‍ला खोरी ॱरा घीरी चेदी घोदोक शो़वालाक।

जेपा 18:25

खोला चोवोगी लामगी ॱलापच्‍या जोर हो़तालाक धेनी ॱङीङक्षे झ्‍येरी, येशुगी कोरला मीक्‍याला ताई-ताई ॱलापच्‍या तेरालाक। हीना खोला योहान्‍नागी ॱनाङगीन ठी़सो़गी कोरला च्‍यीगा क्षा हो़तालाक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 8:31

होदे मीगी लेन ग्‍याप्‍पालाक, “सी़ च्‍यीया ङाला दी दो़न्‍दाकगो ॱमाटो थुक्‍पे, ङा घाङ झ्‍येरी ॱहाघोरये?” धेनी खी़ फीलीपला स्‍यीङता खोरलो खाला, मुला श्‍युक्‍रो झ्‍यी ॱनेरी श्‍यी़वालाक।

१ कोरीन्‍थुपा 12:21

ॱमीकगी लाक्‍पाला, “ङाला ख्‍यो़ घोये मीदुक” ॱनेरी ॱना ॱमीथुक्‍कीलाक धेनी गोवागी काङबाला, “ङाला ख्‍यो़ घोये मीदुक।” ॱनेरी ॱना ॱमीथुक्‍कीलाक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।