जेपा 17:19 - ॱलोवा

¹⁹ होझ्‍येरी खुङक्‍याई पाउलुला आरेओपागुगी छोक्‍दी़ला ठीक्‍ती ढीवालाक, “खेराङगी सुङगीन दे क्षो़ साबा दे घी ले ॱनेरी हेक्‍याई स्‍येये राक्‍कीले?

जेपा 17:19 ပူးပေါင်းရင်းမြစ်များ

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

मारकु 1:27

धा मी घीरी ॱहालेरी, च्‍यीकगी च्‍यीकला ढीवालाक, “दे घी ले? दे नी आङजा हो़गीन क्षो़लुक साबा च्‍यीक हीन्‍दाराक। खी़ ॱनो़पाक्‍यालाः का ॱनाङी धेनी ॱनो़पाक्‍या खी़ खाला ङेन्‍दी।”

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

जेपा 17:20

घीझ्‍येरी ॱनाना खेराङगी हेक्‍याला लाब घोडोमो रे ॱनी धेनी देगी दो़न्‍दाकगो घी ले ॱनेरी हेक्‍या स्‍येङी दो़दी।”

जेपा 17:22

धेनी पाउलु आरेओपागुगी घुङदु लारी ॱनेवालाक, “एथेनेगी मीक्‍याओ, खेराङक्‍या क्षो़ला ॱमीच्‍यीकी थेदा झ्‍यीगीन ङी थोङी।

जेपा 17:34

खुङक्‍याने मी रीङगागी धेपा झ्‍येरी पाउलुमुला सोवालाक। होदेक्‍याने च्‍यीक आरेओपागुगी दीओनुसीउ ॱनागीन, मी धाङ श्‍येम्‍मा धामारी ॱनागीन केमी लाक। धेनी मी श्‍येम्‍माक्‍यागीया चोवोला धेपा झ्‍येवालाक।

जेपा 23:19

धेनी ॱमाक्‍पो़नगी होदे भीजागी लाक्‍पाने ॱहाला ठीक्‍ती ढीवालाक, “ङाला घी ॱनाये हेतो, ॱनो़?”

जेपा 24:24

ङीमा घाजीङ स्‍याम्‍ने, फेलीक खोरी याहुदापा केमी दुरुसीलामुला होवालाक। धेनी पाउलुला केक तारी, खी़ येशु मास्‍यीकाला धेपा झ्‍यीगीनगी कोरला स्‍येगीनगो, खुङ ॱङीउगी ङेन्‍बालाक।

जेपा 25:22

दे लाब ॱहाघोरती आगारीपागी फेस्‍तुला ॱनेवालाक, “ङा ङाराङ होदे मीगी लाब ङेन्‍ङी दो़दीक।” फेस्‍तुगी ॱनेवालाक, “ॱङेटो खोङबाराङगी ङेन्‍ये राक्‍कीलाक।”

जेपा 26:1

होदे स्‍याम्‍ने आगारीपागी पाउलुला ॱनेवालाक, “धा ख्‍यो़ ख्‍यो़री क्षीला लाब तोङ।” धेनी पाउलु खोरी लाक्‍पा क्‍याङदी देरे झ्‍येरी ॱनेवालाक,