जेपा 16:30 - ॱलोवा

³⁰ धेनी खी़ खुङ ॱङीउला फीला ठीक्‍ती सोरी देरे ॱनेवालाक, “घेगेनक्‍याओ, ङाला थारपा थोप्‍येला ङी घी झ्‍यीघोगुले?”

जेपा 16:30 ပူးပေါင်းရင်းမြစ်များ

मेथा 3:8

धीक्‍पा पारी सेम ग्‍युरवाला थी़न्‍गीन ढेबु के।

मेथा 5:7

ॱङीङजेचेनगी मीक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याला ॱङीङजे थोप्‍कीलाक।

लुका 3:10

धेनी मीमाङगी योहान्‍नाला ढीवालाक, “देरे हीन्‍ना, हेक्‍याई घी झ्‍यीघो़गुले?”

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

जेपा 16:17

दे भोमो दे पाउलु धाङ हीकी स्‍याबाला डारी होरी देरे ॱनेरी फेरा ग्‍याप्‍पालाक, “दे मी देक्‍या थोस्‍योक को़न्‍क्षोकगी ॱयोक्‍पोक्‍या लाक। धेनी देक्‍या थारपा राक्‍येगी लाम्‍गागी कोरला खेक्‍याला स्‍येदालाक।”

जेपा 16:24

दे का जोरती होदे घोरेगी़ खुङ ॱङीउला, चो़न्‍खाङगी नाङ बुक्‍योकगोला ठीक्‍पालाक धेनी खुङक्‍याई काङबागो दुङमाक्‍याई खोकला दाम्‍बालाक।

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

जेपा 22:10

ङी ॱनेवी, ‘चोवो, धा ङा घी झ्‍यीये?’ धेनी चोवोगी ङाला सुजुङ, ‘लारी दामासेकोरु सोङ धेनी ख्‍यी़ घी झ्‍यीघोगीन लेगाक्‍याई कोरला, ख्‍यो़ला होदुरुराङ ॱनागीलाक।’

जेपा 9:6

हीना ख्‍यो़ लोङ धेनी ग्‍याजारु सोङ। होदुरु ख्‍यी़ झ्‍यीघोगीनगो, ख्‍यो़ला ॱनागुलाक।”

याकोब 2:13

घीझ्‍येरी ॱनाना श्‍येम्‍माला ॱङीङजे मीझ्‍यीगीनला, ॱङीङजे मेगीन ठीम फोक्‍कीलाक। ठीम्‍चो़गी खाला ॱङीङजेगी ग्‍यालालाक।