जेपा 16:26 - ॱलोवा

²⁶ होदे घाङला ॱहाताक्‍पाला ॱमीच्‍यीकी जीक्‍टाक्षे सुङगु ग्‍याप्‍ती, चो़न्‍खाङगी डामगोवा ठुक-ठुक झ्‍युवालाक। धेनी घोक्‍या घीरी भेवालाक धेनी चो़न्‍बा घीरीगी च्‍याक्‍थाकक्‍या डोवालाक।

जेपा 16:26 ပူးပေါင်းရင်းမြစ်များ

मेथा 28:2

धेनी लाम्‍साङ चोवोगी भाङछेन च्‍यीक, नाम्‍खे श्‍यीङखामने होदुरु भाप्‍ती, सायोम क्षे च्‍यीक ग्‍याप्‍पालाक। धेनी खोङबा फेप्‍ती धी़ठोगी फोङगीङगो ॱहाला रीरी, होदेगी थोकला श्‍युक्‍पालाक।

जेपा 12:10

धेनी खुङ ॱङीउ ॱरुङगीन धाङपो धाङ ॱङीवाने थारती, ग्‍याजा स्‍योकला डोगीन च्‍याकगी घो दोङदु ॱलेप्‍पालाक। होदे घो दे खुङ ॱङीउ क्षीला होझ्‍येरीराङ बेरी, खुङ ॱङीउ फीला थो़न्‍बालाक। धेनी ॱराङगाक च्‍यीकने डी़ घाङला, भाङछेनगो ॱहाताक्‍पाला येरी सोवालाक।

जेपा 12:7

ॱहाताक्‍पाला को़न्‍क्षोकगी भाङछेन च्‍यीक होदुरु थोवालाक धेनी नाङ घीरीदु हो़क ग्‍याप्‍पालाक। धेनी भाङछेनगी पेटोला छोक च्‍यीकने घु-घु तारी ॱङी चेदी “ग्‍योक्‍जे लोङ” ॱनेरी ॱनेवालाक। धेनी खी़ लाक्‍पाने च्‍याक्‍थाकगो ढोवालाक।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 5:19

हीना चोवोगी भाङछेन च्‍यीक छेन्‍मो फेप्‍ती, आटागी घोगो पेवालाक धेनी कुछापक्‍याला फीला तो़न्‍दी सुवालाक,

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 6:12

धेनी ङी लुक्‍टुगी थेचे ढुक्‍पागो, स्‍यीक्‍कीनगो थोजुङ। धेनी होदुरु सुङगु क्षे च्‍यीक होजुङ। धेनी ङीमा नी, चीरे नाक्‍पो च्‍योक्‍रे धाङ दावा नी, ठाक च्‍योक्‍रे ॱमाउला ग्‍युरपालाक।