जेपा 16:15 - ॱलोवा

¹⁵ धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 16:15 ပူးပေါင်းရင်းမြစ်များ

मेथा 10:41

ॱङो़नस्‍येखेन च्‍यीकला ॱङो़नस्‍येखेन च्‍यीक लाक ॱनेरी चीना, होदेगोला ॱङो़नस्‍येखेनगी ज्‍यागा थोप्‍कीलाक। धेनी ढाङतेनगी मी च्‍यीकला ढाङतेन मी ॱनेरी चीना, होदेला ढाङतेन मीगी ज्‍यागा थोप्‍कीलाक।

मेथा 3:6

धेनी खुङक्‍या राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

लुका 14:23

दाक्‍पोगी़ ॱयोक्‍पोला ॱनेवालाक, ‘ङी खाङबा खाङयेगी क्षीला, युक्‍याई ग्‍यालाम धाङ ॱराङगाकक्‍याला सोरी मीक्‍याला ङी नाङदु स्‍योक ॱनेरी उजुक झ्‍यी।

लुका 24:29

हीना खुङ ॱङीउगी येशुला उजुक झ्‍येरी श्‍यी़वालाक, “हीकीमुला श्‍युक्‍रो ॱनाङ घीझ्‍येरी ॱनाना ङीमा फेप्‍ती ॱरो रुक्‍कु झ्‍यीदी।” धेनी खोङबा खुङ ॱङीउमुला श्‍युक्‍येला नाङदु फेप्‍पालाक।

जेपा 11:14

ख्‍यो़ धाङ ख्‍यी़ नाङमी घीरीला, घाङ झ्‍येरी क्‍योप्‍ये ॱनेरी, खी़ ख्‍यो़ला का ॱनाङगीलाक।’

जेपा 16:31

खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

जेपा 16:33

छेन्‍मो होदे धी़चो़गोला राङ घोरेगी़ पाउलु धाङ सीलवानुला, ठीक्‍ती खुङक्‍याई ॱमागो ठी़वालाक। धेनी खो धाङ खी़ नाङमी घीरीगी ठी़सो़ लेन्‍बालाक।

जेपा 16:34

धेनी घोरेगी़ खुङ ॱङीउला खोरी नाङदु ठीक्‍ती शामा तेरपालाक। धेनी खो धाङ खी़ नाङमी घीरीगी को़न्‍क्षोकला धेपा झ्‍येरी, खुङ घीरी ङ्यामो घेवालाक।

जेपा 18:8

याहुदापा छोक्‍खाङगी चो कीरीस्‍पु ॱनागीन, मी धाङ खी़ नाङमी घीरीगी चोवोला धेपा झ्‍येवालाक धेनी कोरीन्‍थुगी मी श्‍येम्‍मा ॱमीच्‍यीकी माङागीयाः, पाउलुगी ॱलापच्‍या ङेन्‍दी धेपा झ्‍येरी ठी़सो़ लेन्‍बालाक।

जेपा 8:12

हीना फीलीपगी को़न्‍क्षोकगी ग्‍याखाप धाङ येशु मास्‍यीकागी छेनगी कोरला स्‍येगीन, ताम्‍शाङगोला मीक्‍याई धेपा झ्‍येवालाक धेनी केवे-फो धाङ मो घीरीगी ठी़सो़ लेन्‍बालाक।

जेपा 8:38

धेनी खी़ स्‍यीङता खोरलोगो घुक्‍तु च्‍युक्‍पालाक। धेनी फीलीप धाङ ॱङुङेर ॱङीगारा क्षु नाङदु जुरी, फीलीपगी खोला ठी़सो़ तेरपालाक।

रोमापा 16:23

धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्‍याला छाम्‍डी श्‍यी़क। धेनी ग्‍याजागी ॱङेरपा ईरासीतु धाङ नो कोआरतोसगी, खेक्‍याला छाम्‍डी श्‍यी़क।

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलेमोन 1:17

होझ्‍येरी खीकी ङाला राङगी लेरोक चीली हो़ना, खोला ङाला च्‍योक्‍रे खेलेन झ्‍यी।

ईब्‍रीपा 13:2

डो़न्‍बोक्‍याला नाङदु फेप्‍सु श्‍यी़येला, ढेन्‍बा माझ्‍ये घीझ्‍येरी ॱनाना देरेराङ झ्‍येरी, खेक्‍याने रीङगागी ॱहामाघोवाला नाम्‍खे भाङछेनक्‍याला फेप्‍सु श्‍यी़ हो़तालाक।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

२ योहान्‍ना 1:10

खीकीचारु होरी दे सुङगीन क्षो़ दे खेरती मेयोङगीन सुलाः, खीकी खाङबा नाङदु ॱमासी़ याङना छाम्‍डी माश्‍यी़।

३ योहान्‍ना 1:5

चेवे रोवाओ, पी़नक्‍या ङो ॱमेस्‍येगीन हीन्‍नाः ख्‍यी़ खुङक्‍याला रोवा झ्‍येरी, ख्‍यी़ ॱलो का थुप्‍कीन लेगा झ्‍येदुक।

३ योहान्‍ना 1:8

होझ्‍येरी धेन्‍पे दो़न्‍दु होराङमुला लेगा झ्‍यीये क्षीदु, देरे मीक्‍याला होराङ ग्‍यापक्‍यो़र झ्‍यीघो़।