जेपा 16:14 - ॱलोवा

¹⁴ हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

जेपा 16:14 ပူးပေါင်းရင်းမြစ်များ

लुका 24:45

धेनी को़न्‍क्षोकगी कागो ॱहाघोरास्‍योक ॱनेरी, येशुगी खुङक्‍याई स्‍येराप सावा जेपालाक।

योहान्‍ना 12:20

पेसाकगी धी़छेनला येरुसालेमदु क्षो़पा पुरु हुङगीनक्‍याने, मी रीङगा गीरीक हो़तालाक।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 11:21

चोवोगी वाङ खुङक्‍यामुला झ्‍युरी, मी ॱमीच्‍यीकी माङागी धेपा झ्‍येरी चोवो स्‍योकला ग्‍युरपालाक।

जेपा 13:43

छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 16:40

धेनी पाउलु धाङ सीलवानु चो़न्‍खाङने थो़न्‍दी, लीडीयागी नाङला सोवालाक धेनी धेपा-झ्‍यीगीन पी़नक्‍याला थुक्‍ती, खुङक्‍याला सेमस्‍युक पारती होदे साजा भोरती सोवालाक।

जेपा 18:7

होदे स्‍याम्‍ने पाउलु याहुदापाक्‍याई छोक्‍खाङने थो़न्‍दी, को़न्‍क्षोकला चीगीन तीतीउस युसीतो ॱनागीन, याहुदापा मेन्‍गीन मीगी नाङला सोवालाक। खी़ खाङबा छोक्‍खाङ भोलोक्‍तु हो़तालाक।

जेपा 8:27

होझ्‍येरी खो क्षोम्‍दी सोवालाक। होदुरु ईथीयोपीयागी ग्‍यामु कान्‍दाकेगी ॱङुङेर, ईथीयोपीयापा ङ्युकरुमपा च्‍यीकला खी़ थुक्‍पालाक। होदे ॱङुङेर दे येरुसालेमदु क्षो़पा पुरु सोरी,

रोमापा 9:16

होझ्‍येरी दे नी मीगी दो़पा याङना थापस्‍यीला रा मीली़दा, हीना ॱङीङजे जेगीन को़न्‍क्षोकला रा ली़दालाक।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 3:20

तो़दाङ, ङा घो डामदु लारी घो दुङाहीन। धेनी ङी केक घोरती, घो पेना ङा नाङदु जुयेहीन धेनी होदे मीमुला शामा शायेहीन धेनी होदे ङीमुला शागीलाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।