जेपा 15:28 - ॱलोवा

²⁸ धा ची घोगीन लाब ॱनेछागोक्‍या माना, खेराङक्‍याला श्‍येम्‍मा ठीमक्‍याई खु खुरतु ॱमीच्‍युक्‍ये ॱनेरी, धाम्‍पे थुक्‍ङी धाङ हेक्‍याई धेन्‍पा साम्‍जुङ

जेपा 15:28 ပူးပေါင်းရင်းမြစ်များ

मेथा 11:30

घीझ्‍येरी ॱनाना ङी ॱङ्यास्‍यीङ लेल्‍हा धाङ ङी खु याङा हो़क।”

मेथा 23:4

देक्‍याई खु खुर ॱमीथुप्‍कीन धाम्‍दी, मीक्‍याई ग्‍यापला कालालाक हीना खोराङक्‍या राङगी जु च्‍यीकगीया, होदेला जी़ङी मेदो़दालाक।

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

जेपा 15:19

धेनी याकोबगी याङ ॱनेवालाक, “होझ्‍येरी को़न्‍क्षोक चारु लोक्‍कीन याहुदापा मेन्‍गीन मीक्‍याला, होराङ दुक्‍पु तेरये मेतालाक, ॱनेरी ङी साम्‍लो हो़क। घीहीन्‍ना धा होराङ खुङक्‍याला

जेपा 15:25

होझ्‍येरी हेक्‍याई मुला ढो़ झ्‍येरी, खेक्‍याचारु झाङयेला, हीकी खोक्‍नेराङ पी़न रीङगा दाम्‍दी, हीकी रोवा ढेन्‍जे पाउलु धाङ बारनाबामुला झाङये थाक चेवी।

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

जेपा 16:4

होदे स्‍याम्‍ने खुङक्‍या ग्‍याजा-ग्‍याजारु सोवालाक धेनी साजा घीरीला हो़गीन, चोवोगी ङेनेक्‍याला येरुसालेमगी कुछाप धाङ धेपा-झ्‍यीगीन क्षो़छोकगी गोठीक्‍याई, ढो़ झ्‍येजा लाबक्‍या स्‍येपालाक। धेनी दे लाबक्‍या ची ॱनेरी ॱलापच्‍या तेरपालाक।

जेपा 5:32

हेक्‍या दे लाबक्‍याई पाङपो हीन धेनी को़न्‍क्षोकगी राङगी काला ङेन्‍गीनक्‍याला ॱनाङना, धाम्‍पे थुक्‍ङीगीयाः दे लाबक्‍याई पाङपो तो़न्‍दा जेदुक।”

१ कोरीन्‍थुपा 14:37

खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

१ कोरीन्‍थुपा 7:25

धा भोमो नाच्‍युङमाक्‍याई कोरला चोवोगी का ङाला मेक, हीना ङा चोवोगी थुक्‍जेगी गोने ॱलो काथुक्‍कीन मी च्‍यीक झ्‍येरी, ङारी साम्‍जु स्‍येदाहीन।

१ कोरीन्‍थुपा 7:40

हीना ङी साम्‍लोला, मो मोरोङमा राङ धेना मोला ॱयो़ल्‍ले कीदा झ्‍युङगीलाक। धेनी ङी दे ॱनी घाङला, ङा खेक्‍याला को़न्‍क्षोकगी थुक्‍ङी गोने ॱलोप्‍तो़न तेरी हो़क ॱनेरी, ङी साम्‍लो हो़क।

१ थेसालोनीकेपा 4:8

होझ्‍येरी दे लाबला ॱमीचीगीनक्‍या मीगी ॱलापच्‍याला मेन्‍दा, धाम्‍पे थुक्‍ङी ॱनाङगीन को़न्‍क्षोकला ङोलोक झ्‍यीदालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

ॱङो़न्‍पा 2:24

“हीना दे क्षो़ला ॱमीचीगीन धाङ धी़ सातानगी साङवा तीङरीङाक्‍या मेज्‍याङगीन, खे थीयातीरादु हो़गीन खेक्‍याला ॱनाहीन, ‘ङा खेक्‍याला खु श्‍येम्‍मा घीया कायेमेन।