जेपा 11:28 - ॱलोवा

²⁸ आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 11:28 ပူးပေါင်းရင်းမြစ်များ

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

मेथा 24:7

घीझ्‍येरी ॱनाना मीरीक धाङ मीरीक ठुक्‍कीलाक धेनी ग्‍याखाप धाङ ग्‍याखाप ठुक्‍कीलाक धेनी सा ढामेढादु मुगे झ्‍युङगीलाक धेनी सायोम ग्‍याप्‍कीलाक।

लुका 2:1

होदी घाङला, ग्‍यावु केसार उगास्‍तोगी रोमा ग्‍याखाप घीरीगी मीमाङक्‍याला, मीङ थो ग्‍याप्‍येला का तेरपालाक।

लुका 3:1

रोमापा ग्‍यावु केसार तीबेरीयुसगी, राङगी ग्‍याखाप घीरीला वाङ झ्‍यीगीन लो च्‍येङागी धी़ घाङला, पोन्‍तीहु पीलातु युदेया युगी पो़न्‍पो धाङ हेरोदे नी, गालील युगी पो़न्‍पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्‍पो धाङ लुसानीयागो आबीलेने युगी पो़न्‍पोक्‍या लाक।

जेपा 18:2

होदुरु खी़ आकुला ॱनागीन, याहुदापा च्‍यीकला थुक्‍पालाक। आकुलागो पोनतुर साजाला केवालाक धेनी खोरी केमी पीरीस्‍कीलामुला, ईटालीने होरी माङा मेडोवालाक घीझ्‍येरी ॱनाना रोमापा ग्‍यावु कालोदेहुगी, याहुदापा घीरीला रोम ग्‍याखापने थो़न्‍दी डोयेला का ॱनावालाक। धेनी पाउलु खुङक्‍याला थुक्‍तु सोवालाक।

जेपा 21:10

हेक्‍या केसारयारु ङीमा आरुङ मा धेदी घाङला, आगाबु ॱनागीन ॱङो़नस्‍येखेन च्‍यीक युदेयाने हेक्‍याचारु होजुङ।