२ तीमोथेउ 4:17 - ॱलोवा

¹⁷ हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

२ तीमोथेउ 4:17 ပူးပေါင်းရင်းမြစ်များ

मेथा 10:19

खुङक्‍याई खेक्‍याला होझ्‍येरी ची ग्‍याई घाङला, घाङ झ्‍येरी घी ॱनाये ॱनेरी, खेक्‍या सेम्‍डा माझ्‍यी घीझ्‍येरी ॱनाना खेक्‍याई घी ॱना घो़गीनगो, होदे धी़लाराङ खेक्‍याला ॱनाङगीलाक।

लुका 1:1

हीकी घुङदु झ्‍युजा लोग्‍युक्‍याई कोरला, मी ॱमीच्‍यीकी माङागी ढीक्‍दुक।

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 15:31

युदेयारु हो़गीन धेपा मीझ्‍यीगीनक्‍याने, ङाला क्‍योप्‍ये धाङ येरुसालेमदु ङी खेरती डुगीन रोक्‍रामगो, को़न्‍क्षोकगी मीक्‍याई खे लेन्‍दास्‍योक ॱनेरी ॱमो़लाम ग्‍योप।

२ कोरीन्‍थुपा 12:9

हीना खोङबागी ङाला सुजुङ, “ङी थुक्‍जे ख्‍यी़ क्षीदु छाङयेहो़क घीझ्‍येरी ॱनाना ङी नी़थु नी, क्‍योवागी नाङला छाङगो झ्‍युङालाक।” होझ्‍येरी मास्‍यीकागी नी़थु ङी नाङदु ॱनेलास्‍योक ॱनेरी, ङा ङारी थापक्‍योवागोला ॱयोल्‍ले घाटो झ्‍येरी ङोम्‍सो झ्‍यीयेहीन।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

२ तीमोथेउ 2:1

ङी भु ख्‍यो़, मास्‍यीका येशुगी थुक्‍जे नाङदु ॱङीङक्षे झ्‍युङ श्‍यीक।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

तीतोस 1:3

धेनी धी़चो़ ताक-ताकगोला, खोङबागी का दे तो़न्‍दा जेजुङ। दी गेनगो ङाला ॱनाजुङ धेनी होरी क्‍याम्‍गो़न को़न्‍क्षोकगी काला तेरी, ङा दे स्‍येदाहीन।

ईब्‍रीपा 11:33

धेपागी गोने खुङक्‍याई ग्‍याखापक्‍या थोप्‍पालाक धेनी ठीम्‍चो़ धेन्‍पा च्‍येपालाक धेनी धाम्‍चा जेजागो थोप्‍पालाक धेनी सीङगेक्‍याई, खा काक्‍पालाक धेनी

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।