२ तीमोथेउ 3:13 - ॱलोवा

¹³ हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

२ तीमोथेउ 3:13 ပူးပေါင်းရင်းမြစ်များ

२ कोरीन्‍थुपा 6:8

धेनी शीजे धाङ ॱमेबेप धेनी ॱमेटा धाङ तो़टागी थोक्‍ने तो़न्‍दाहीन। हेक्‍याला ॱली़टे च्‍योक्‍रे चीवालाक हीनाः हेक्‍या ढाङपो हो़क।

१ तीमोथेउ 4:1

स्‍यामगी धी़ला मी रीङगा ॱली़गीन सेम्‍ङीक्‍या धाङ डेगी क्षो़ला तेन्‍दी, राङगी धेपा पाङगीलाक सुरी, धाम्‍पे थुक्‍ङीगी सायेरे सुङ हो़तालाक।

२ तीमोथेउ 3:8

यानने धाङ याम्‍बारे ॱङीउगी मोशेला ङोलोक झ्‍यीगीन च्‍योक्‍रे, ॱलेपा रुरा धाङ धेपा शोक्‍पो हो़गीन, दे मीक्‍यागीयाः धेन्‍पाला ङोलोक झ्‍यीदालाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:14

धेनी सेम्‍चेन धाङपोगी छापला ॱहाङसागीन ताकक्‍या तो़न्‍येगी नी़थु, खोला तेर हो़तालाक धेनी दी थोक्‍ने, होदेगी साश्‍यीगी मीक्‍याला ॱली़वालाक। धेनी राल्‍डीगी ॱमा शो़रीया सो़न्‍पो झ्‍युजा सेम्‍चेन धाङपोला, ॱमीक्‍ती कु शोयेला होदेगी मीक्‍याला कुवालाक।

ॱङो़न्‍पा 18:23

ॱलोकगी हो़, ख्‍यी़ नाङदु याङ नामा मेभारकीलाक। माक्‍पा धाङ भाक्‍मागी केक, ख्‍यी़ नाङदु याङ नामा मेघोरकीलाक। घीझ्‍येरी ॱनाना ख्‍यी़ छोङबाक्‍या साश्‍यीगी, मी खाक्‍क्षेक्‍या लाक धेनी ख्‍यी़ थी़ ग्‍याप्‍ती मीरीक घीरीला ॱली़वालाक।