२ तीमोथेउ 2:25 - ॱलोवा

²⁵ धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

२ तीमोथेउ 2:25 ပူးပေါင်းရင်းမြစ်များ

मेथा 11:29

ङी ॱङ्यास्‍यीङ खुर धेनी ङाने झ्‍योङ घीझ्‍येरी ॱनाना ङा सेमला शाङा धाङ ॱङ्यामच्‍युङ हो़क धेनी खेक्‍याई सेमक्‍याला ङासु थोप्‍कीलाक।

मेथा 21:32

घीझ्‍येरी ॱनाना ठी़सो़खेन योहान्‍ना, खेक्‍याला ढाङतेनगी लाम तो़न्‍दु होवालाक धेनी खेक्‍याई खोला धेपा माझ्‍येवालाक। हीना ठा धुगीनक्‍या धाङ श्‍याङचोङमाक्‍याई, खोला धेपा झ्‍येवालाक। धेनी खेक्‍याई दे थोरीयाः, खेक्‍याई सेम ग्‍युरती खोला धेपा माझ्‍येवालाक।”

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

योहान्‍ना 5:34

ङी क्षीला मीगी पाङपो घोये मेक हीना खेक्‍याला थारपा थोप्‍येगी क्षीला ङा देक्‍या ॱनाहीन।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 5:21

कुछापक्‍याई होदे लाब ङेन्‍दी, ॱङारोक ॱङात्‍ती क्षो़खाङ नाङदु सोरी क्षो़ स्‍येपालाक। धेनी चो क्षो़पो़न धाङ खी़ रोवा ईस्‍राएल्‍पाक्‍याई, गोठी घीरीला छोक्‍पा क्षेरु भो़वालाक। धेनी खुङक्‍याई कुछापक्‍याला आटाने ठीक्‍ती हुङयेला मीक्‍या झावालाक।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

जेपा 8:22

ख्‍यी़ साम्‍लो ङेन्‍पागोला ग्‍यो़पा झ्‍यी धेनी देरे साम्‍लो ताङगीनगोला च्‍यीक झ्‍यीना घोङपा रास्‍योक ॱनेरी, चोवोला सोवा ग्‍योप।

गालातीयापा 6:1

पी़नक्‍याओ, मी च्‍यीकगी झ्‍यावा ङेन्‍पा झ्‍यीगीनगो थेम्‍ना, खे धाम्‍पे थुक्‍ङीला ॱनेगीनक्‍याई झाम्‍बो झ्‍येरी, मी देला लाम ढाङपोला ठीक। धेनी खेक्‍याराङ होदेने ॱमीली़येगी क्षीला राङला शाप-शाप झ्‍यी।

१ तीमोथेउ 2:4

खोङबागी थुकोङगो मी घीरी क्‍योप्‍ये धाङ धेन्‍पागी स्‍येयो़नला हुङये लाक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 3:7

देरे केमीक्‍या च्‍योई ज्‍याङये थापस्‍यी झ्‍यीदालाक हीना धेन्‍पागो नामा स्‍ये ॱमीथुक्‍वालाक।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

तीतोस 3:2

सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ

१ योहान्‍ना 5:16

खेरी पी़नगी छीवाला ॱमीठीक्‍कीन धीक्‍पा झ्‍यीगीन थोङना, ख्‍यी़ खी़ क्षीला ॱमो़लाम ग्‍याप्‍घो़ धेनी को़न्‍क्षोकगी खोला छे ॱनाङगीलाक। छीवाला ॱमीठीक्‍कीन धीक्‍पा साक्‍कीनक्‍याई कोरला, ङा ॱनाहीन। छीवाला ठीक्‍कीन धीक्‍पाक्‍या हो़तालाक। होदेक्‍याई क्षीदु, खेक्‍याई ॱमो़लाम ग्‍याप्‍घो़ ॱनेरी ङा ॱनामेन।