२ थेसालोनीकेपा 2:8 - ॱलोवा

⁸ धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

२ थेसालोनीकेपा 2:8 ပူးပေါင်းရင်းမြစ်များ

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 13:38

श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

१ कोरीन्‍थुपा 1:28

को़न्‍क्षोकगी जीक्‍तेनगी ॱमावा धाङ थोङछुङ चीचाक्‍याला दामा जेपालाक। धेनी हो़गीनगोला क्षोमेगीन जेयेगी क्षीदु, चीया ॱमीचीगीनक्‍याला दामा जेपालाक।

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

१ तीमोथेउ 6:14

ङा ख्‍यो़ला का तेराहीन, चोवो येशु मास्‍यीका ॱङो़न्‍सुमदु माज्‍यागीन थुक्‍पे, का दे ॱमेवा मेगीन धाङ क्‍यो़न मेगीन झ्‍येरी ॱरुङ च्‍यीक।

२ तीमोथेउ 1:10

धेनी होरी क्‍याम्‍गो़न मास्‍यीका येशुगी फेप्‍सुने थुक्‍जे दे, धान्‍दा ॱङो़न्‍दु जेपालाक। धेनी खोङबागी छीवाला चामे जेदी, ताम्‍शाङगी गोने थामेपे छेसोक धाङ छीवा मेपे छे सावो जेपालाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 10:27

हीना को़न्‍क्षोकगी ठीम्‍चो़ फोक्‍येला घुक्‍ती धेयेगी जीक्‍टा धाङ खोङगी डाक्‍याला मेताला जेये हीन्‍गीन, थुक्‍ठो़गी मेगी ङेन्‍का च्‍यीका हो़तालाक।

१ योहान्‍ना 2:13

आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना धी़गी खाला खीकी ग्‍या हो़तालाक।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।

ॱङो़न्‍पा 1:16

खोङबागी क्षाक ॱयेला कारमा धी़न ॱनुम हो़तालाक धेनी खोङबागी श्‍यालने खा ॱङीगारा ॱनोवा हो़गीन, राल्‍डी च्‍यीक थो़न्‍बालाक। खोङबागी श्‍याल्‍दोङगो ङीङमोगी ङीमा च्‍योक्‍रे, स्‍यार हो़तालाक।

ॱङो़न्‍पा 13:5

होदे सेम्‍चेनला राङतो़ झ्‍येरी, को़न्‍क्षोकला कुरवा धेप्‍कीनगी खा तेर हो़तालाक धेनी दावा श्‍यीपच्‍यु श्‍येङी थुक्‍पे, वाङग्‍युर झ्‍यीरु च्‍युक हो़तालाक।

ॱङो़न्‍पा 19:15

मीरीकक्‍याला ग्‍याप्‍येगी क्षीला, खोङबागी श्‍यालने राल्‍डी ॱनोवा च्‍यीक थो़न्‍दी धेनी खोङबागी च्‍याकगी भेक्‍योकगी थोक्‍ने, खुङक्‍या खाला वाङग्‍युर जेगीलाक। धेनी घुन्‍क्षाङ चीरसा श्‍योङ नाङने खोवा तो़न्‍गीन च्‍योक्‍रे, खोङबागी कुवाङ को़न्‍क्षोकगी थुक्‍ठो़गी नाङ खुङक्‍याला चीरकीलाक।

ॱङो़न्‍पा 2:16

होझ्‍येरी धीक्‍पा पारी सेम ग्‍युरवा तोङ। याङमेना ङा खीकीचारु ग्‍योक्‍जे हुङयेहीन धेनी ङी खागी राल्‍डीगी खुङक्‍यामुला टाप्‍येहीन।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।