२ थेसालोनीकेपा 2:5 - ॱलोवा

⁵ ङा खेक्‍यामुला हो़ती घाङला, खेक्‍याला दे ताम घीरीगी कोरला स्‍येगीनगो, खेक्‍याला ढेम्‍पा मीदुई?

२ थेसालोनीकेपा 2:5 ပူးပေါင်းရင်းမြစ်များ

मेथा 16:9

खेक्‍या धोराङा ॱहामेघोराई? मी ॱङातोङगी क्षीला ग्‍याङगा ॱङा तेरती, खेक्‍याई ल्‍हाक्‍मा बाक्‍ता घाजो़ दुतागो खेक्‍याई मेढेन्‍दाई?

मारकु 8:18

खेक्‍या ॱमीक झ्‍येरीयाः ॱमेथोङाई धेनी आमच्‍योक झ्‍येरीयाः मेघोराई? खेक्‍याला धोराङा ढेन्‍बा मीदुई?

योहान्‍ना 16:4

हीना होदे धी़ स्‍यारी घाङला, ङी खेक्‍याला स्‍येगीनगो खेक्‍याई डो़न्‍सो़ झ्‍यीयेगी क्षीला, ङी दे लाबक्‍या खेक्‍याला स्‍येबी। “ङा खीकीमुला झ्‍येरी, ङी दे लाबक्‍या खेक्‍याला एन्‍ला ॱमास्‍ये।

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

गालातीयापा 5:21

ॱङीङनाक धाङ रा शीगीन धाङ चो़पा मेगीन श्‍युक्‍टा धाङ देरे च्‍योक्‍रे लेगाक्‍या लाक। देरे झ्‍यीगीनक्‍याला को़न्‍क्षोकगी ग्‍यासीगी ग्‍युज्‍यीन थोप्‍कीमालाक, ॱनेरी ङी एन्‍ला खेक्‍याला ॱनेवी धेनी धान्‍दाः ॱनाहीन।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ थेसालोनीकेपा 3:4

घीझ्‍येरी ॱनाना हेक्‍या खेक्‍याई मुला हो़ती घाङला, होराङ दुक्‍पु ङ्याङ घोगीलाक ॱनेरी, एन्‍दुरु हीकी खेक्‍याला ॱनेवी। धेनी होदेरेराङ झ्‍युजुङ। धा होदे खेक्‍या स्‍येलालाक।

२ थेसालोनीकेपा 2:6

धेनी खोरी धी़चो़ ताक-ताकगोला तो़न्‍येगी क्षीला, धान्‍दा घीन्‍गी काक्‍ती श्‍याक हो़तालाक होदे खेक्‍या स्‍येलालाक।

२ थेसालोनीकेपा 3:10

खेक्‍यामुला हो़ती घाङला, हीकी खेक्‍याला देरे कुवी, “लेगा झ्‍यीङी मेदो़गीन मीगी शामा माशास्‍योक।”

२ पेटो 1:15

धेनी ङा स्‍यी सारतीयाः खेक्‍याई दे दो़नक्‍या नाम्‍हीना ढेन्‍सो़ झ्‍यी थुक्‍वास्‍योक ॱनेरी, ङा घी थुप-थुप काल्‍ले ग्‍याप्‍येहीन।