२ थेसालोनीकेपा 1:9 - ॱलोवा

⁹ चोवोगी ॱमीक्‍वाने धाङ खोङबागी शीजेगी वाङने, खा टारी खुङक्‍याला थामेगीन छीवागी छेपा फोक्‍कीलाक।

२ थेसालोनीकेपा 1:9 ပူးပေါင်းရင်းမြစ်များ

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 22:13

धेनी ग्‍यावुगी खोरी ॱयोक्‍पोक्‍याला ॱनेवालाक, ‘खी़ लाक्‍पा-काङबाक्‍या धाम्‍दी खोला फीदी मी़नाक्‍पाला ॱयुक। होदुरु मी ङुगीन धाङ सो ढीक्‍कीन हुङगीलाक।’”

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मेथा 26:24

मी-भुला खी़ कोरला ढीक हो़गीन दे च्‍योक्‍रे, झ्‍युङघोगुलाक हीना मी-भुला डागी लाकला ची ग्‍याप्‍कीनगो ॱङ्याली। मी दे जीक्‍तेनदु केवाले ॱमाके हो़ना, घा हुङयेहो़क।”

मेथा 7:23

धेनी ङा खुङक्‍याला सावो ॱनायेहीन, ‘ङी खेक्‍याला नामा ङो ॱमास्‍ये। खे ङेन्‍पा लेगा झ्‍यीगीनक्‍या ङाने ॱहाला सोङ।’

लुका 13:27

धेनी खोङबागी ॱनागीलाक, ‘ङा खेक्‍याला ॱनाहीन, खेक्‍या सु हीन्‍गीन धाङ खेक्‍या घाने हुङगीनगो ङाला स्‍येयेमेक। ङेन्‍पा लेगा झ्‍यीगीन खे घीरी ङाने ॱहाला सोङ।’

योहान्‍ना 5:14

स्‍याम्‍ला येशुगी खोला क्षो़खाङदु थुक्‍ती खोला सुवालाक, “तो़दाङ, ख्‍यो़ ढाक्‍सालाक। होझ्‍येरी स्‍याम्‍ला देने ल्‍हाक दुक्‍ङेल क्षे मेयोङयेला, ख्‍यो़ याङदा धीक्‍पा माझ्‍यी।”

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

१ थेसालोनीकेपा 5:3

मीक्‍याई धी़ दे श्‍यीदे धाङ तेन्‍दा दुक ॱनी घाङला, ॱहाताक्‍पाला केमीगी केशुक लाङगीन च्‍योक्‍रे, खुङक्‍या खाला तोरक्‍यो़न हुङगीलाक धेनी खुङक्‍या घानेयाः थारकीमालाक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

२ पेटो 2:17

दे ॱलोपो़न शोक्‍पोक्‍या क्षुमीक काम्‍बोक्‍या धाङ ॱलुङबुगी धेता ॱमुक्‍पा च्‍योक्‍रे लाक। खुङक्‍याई क्षीदु मी़नाक तीङरीङबोगी घोक्‍जा श्‍याक हो़तालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

युदा 1:13

धेनी देक्‍या राङगी ङोछागी बोवा तो़न्‍गीन, ग्‍याछोगी भालाप ॱङ्यो़न्‍बाक्‍या च्‍योक्‍रे लाक। धेनी देक्‍या धी़ ताक्‍दु जीक्‍टाक्षे मी़नाकगी क्षीला डाढीक झ्‍येजा, कारमा ख्‍याम्‍बोक्‍या च्‍योक्‍रे लाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।