२ पेटो 3:11 - ॱलोवा

^11-12 धा दे घीरी देरे झ्‍येरी मेताला डोये हीन्‍गीन झ्‍येरी, खेक्‍या मी घारे च्‍यीक झ्‍युङ घो़गुले? खेक्‍या को़न्‍क्षोकगी ङीमाला घुक्‍ती धेताराङ धेनी होदे ग्‍योक्‍जे हुङदु च्‍युक्‍ये झ्‍यीदाराङ, खेक्‍या धाम्‍पा धाङ क्षो़सेमगी मीछे क्‍याघो़। होदे ङीमाला नाम्‍खा नी, मेगी मेताला डुगीलाक धेनी झ्‍युङवा श्‍यी नी, मेगी ॱराक्‍ती श्‍यी़री डुगीलाक।

२ पेटो 3:11 ပူးပေါင်းရင်းမြစ်များ

मेथा 8:27

खुङक्‍या घीरी ॱमीच्‍यीकी ॱहाङसारी ॱनेवालाक, “दे मी दे घारे च्‍यीक हीना, ॱलुङ धाङ भालापगीया खोङगी खाला ङेन्‍दी?”

रोमापा 13:11

देक्‍या माना धान्‍दागी धी़ दे घारे हो़गीनगो, खेक्‍याला स्‍येये हो़तालाक। धा ॱङी छेयेगी धी़चो़गो ॱलेप्‍सादुक घीझ्‍येरी ॱनाना होरी गोमा धेपा झ्‍येजानेः, धान्‍दा होरी थारपागो धोराङा ङ्येरु ॱलेप्‍दुक।

रोमापा 13:12

धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 3:20

हीना होरी फायु नी, नाम्‍खे श्‍यीङखाम लाक। धेनी होदेने फेप्‍ये हीन्‍गीन क्‍याम्‍गो़न चोवो येशु मास्‍यीकाला, होराङ घुक्‍ती धेतालाक।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

१ तीमोथेउ 6:3

होरी चोवो येशु मास्‍यीकाई क्‍यो़न मेगीन, सुङ धाङ क्षो़सेमला थी़न्‍गीन ॱलापच्‍याक्‍याला खेमेलेन्‍दा, तावा श्‍येम्‍माक्‍या ॱलाप्‍ना,

१ तीमोथेउ 6:6

हीना क्षो़सेम धाङ मुला दो़पा खाङना, होदेराङ फेन क्षे लाक।

ईब्‍रीपा 13:5

खेक्‍या ॱङुला सेम्‍बा ॱमाक्षाक धेनी राङला घी हो़गीनगोला, दो़पा खाङा झ्‍यी घीझ्‍येरी ॱनाना को़न्‍क्षोकगी सुङ हो़तालाक, “ङा खेक्‍याला नामा मेभोर, धेनी ङा खेक्‍याला नामा ॱमेपाङ।”

याकोब 1:24

घीझ्‍येरी ॱनाना खी़ राङला तागीलाक धेनी सोरी, खो घारे थोङगीनगो लाम्‍साङ ज्‍येदी डोवालाक।

याकोब 3:13

खेक्‍याने खेवा धाङ साम्‍लो थोङागो सु हो़तो? मी देगी राङगी चो़लाम शाङपो धाङ स्‍येरापने झ्‍युङगीन, ॱङ्यामच्‍युङगी गोने राङगी लेगा घीरी तो़न्‍घो़।

१ पेटो 1:15

हीना खेक्‍याला भो़ ॱनाङगीनगो धाम्‍पा हीन्‍गीन च्‍योक्‍रे, खेक्‍या राङगी चो़लाम घीरीला धाम्‍पा झ्‍युङ,

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 1:6

धेनी स्‍येयो़नला राङ-छो़ शीम्‍गीन धेनी राङ-छो़ शीम्‍गीनला शो़पा धेनी शो़पाला क्षो़सेम,

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।