२ पेटो 1:11 - ॱलोवा

¹¹ धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

२ पेटो 1:11 ပူးပေါင်းရင်းမြစ်များ

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

योहान्‍ना 10:10

कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

१ कोरीन्‍थुपा 15:24

धेनी खोङगी वाङ झ्‍यीगीन धाङ आङजा ॱना घीरी धाङ नी़थु घीरीला मेताला जेसारती, धेनी याप को़न्‍क्षोकला ग्‍यासीगो पुली घाङला, थामे धी़गो ॱलेप्‍कीलाक।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

एफीसुपा 3:20

धा होरी नाङदु ले डुप्‍कीन नी़थुगी गोने, होरी श्‍यी़गीन धाङ साम्‍गीनने ल्‍हाक मेछो़ली जे थुप्‍कीन को़न्‍क्षोकला,

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

२ तीमोथेउ 4:18

चोवोगी ङाला ज्‍यावा ङेन्‍पा घीरीने क्‍योप जेगीलाक धेनी खोङबागी नाम्‍खे ग्‍यासीगी क्षीला, ङाला थारपा जेगीलाक। खोङबाला ग्‍युने ग्‍युन्‍दु शीजे हुङास्‍योक। आमेन।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 6:17

देरे झ्‍येरी को़न्‍क्षोकगीयाः राङगी धाम्‍चा थोप्‍थाक्‍याला, राङगी थुकोङ ग्‍युरवा मेगीनगो सावो तो़न जेयेगी क्षीदु, उ ॱना श्‍येपालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 1:5

होझ्‍येरी घी झ्‍यी थुप-थुप खेक्‍याई धेपाला चो़लाम शाङपो धेनी चो़लाम शाङपोला स्‍येयो़न

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।

ॱङो़न्‍पा 5:10

धेनी खुङक्‍याला होरी को़न्‍क्षोकगी क्षीदु ग्‍याखाप धाङ क्षो़पो़नक्‍या को़ जेपालाक। धेनी खुङक्‍याई जीक्‍तेनदु वाङ झ्‍यीगीलाक।”