२ कोरीन्‍थुपा 8:21 - ॱलोवा

²¹ घीझ्‍येरी ॱनाना चोवोगी ॱमीक्‍वादु च्‍यीगा मेन्‍दा हीना मीक्‍याई दोङदुवाः, हेक्‍या शाङा घी हीन्‍गीनगो झ्‍यीयेगी ॱमीक्‍यु श्‍याईहो़क।

२ कोरीन्‍थुपा 8:21 ပူးပေါင်းရင်းမြစ်များ

मेथा 23:5

खुङक्‍या राङगी लेगा घीरी, मी श्‍येम्‍मागी थोङये क्षीला झ्‍यीदालाक। खुङक्‍या राङगी ॱरुङा श्‍याङ क्षे शो़ धेनी घो़गी थाजारक्‍या रीङा शोवालाक।

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 6:1

“मी श्‍येम्‍मागी थोङयेगी क्षीला, खुङक्‍याई दोङदु ढाङतेनगी लेगा मीझ्‍यीयेला शाप-शाप झ्‍यी। देरे झ्‍यीना नाम्‍खे श्‍यीङखामदु श्‍युक्‍कीन, ख्‍यी़ यापने ख्‍यो़ला ज्‍यागा ॱमेथोप्‍कीलाक।

मेथा 6:4

देरे झ्‍यीना, ख्‍यी़ झ्‍यीम्‍बा ताङगीनगो साङवे थोक्‍ने झ्‍युङगीलाक। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।”

रोमापा 12:17

मी सुलाः ङेन्‍पागी छापला ङेन्‍पा माझ्‍यी। मी घीरीगी ॱमीक्‍वादु याराप चीगीनगोला दो़नाङ झ्‍यी।

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 8:20

दे नी हेक्‍याला ॱमेफाङा तेरता श्‍यान्‍देप देला धी़वाराङ, सी़या हेक्‍याला क्‍यो़न ॱमीचुक्‍वास्‍योक ॱनेरी, हेक्‍या दो़दीहो़क।

२ कोरीन्‍थुपा 8:22

हेक्‍याई थेङ माङा छो़ता झ्‍येरी, दो़न माङक्षेला हुरा थोथा पी़नगोला हेक्‍या खुङक्‍याईमुला झाङाहीन। धेनी खो खेक्‍याला ॱमीच्‍यीकी यीच्‍चे झ्‍यीगीन झ्‍येरी, खो खेक्‍याला रोवा झ्‍यीयेला ॱयोल्‍ले दो़पा क्षे झ्‍युदुक।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

१ थेसालोनीकेपा 5:22

ङेन्‍पा घीरीने जेम्‍दी धो़क।

१ तीमोथेउ 3:7

फीदी मीक्‍यागी तादाङदुवा, खो शाङा हो़गीनगी ङेन्‍डा हुङघो़गीलाक। देरे मेन्‍ना खो ङोजा धाङ धी़कगी ॱङीपला छी़येगी ङेन्‍का हो़तालाक।

१ तीमोथेउ 5:14

होझ्‍येरी नाच्‍युङमा युक्‍जामाक्‍या ॱनामा लेन्‍दी टुवा के धेनी नाङ शीम्‍दी, डाला ॱना चेयेगी घुकाप ॱमेतेरयेला ङा दो़दीहो़क।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।