१ तीमोथेउ 6:5 - ॱलोवा

⁵ धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

१ तीमोथेउ 6:5 ပူးပေါင်းရင်းမြစ်များ

मेथा 12:33

“ढेबुने स्‍यीङदोङ स्‍येगीन झ्‍येरी, स्‍यीङदोङ शाङा शोना ढेबु घा केगीलाक धेनी स्‍यीङदोङ आ शोना ढेबु आ केगीलाक।

मेथा 21:13

खोङबागी खुङक्‍याला सुवालाक, “‘ङी खाङबा नी, ॱमो़लामगी खाङबा ॱनेरी ॱनागीलाक।’ ॱनेरी सुङरापला ढीक हो़तालाक हीना खेक्‍याई देला झ्‍याक्‍पाक्‍याई छाङ शो़दुक।”

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

१ कोरीन्‍थुपा 11:16

हीना मी सु च्‍यीकगी दी कोरला चो़पा ग्‍याप्‍ङी दो़ना, हेक्‍या धाङ को़न्‍क्षोकगी क्षो़छोकक्‍याला दे माना श्‍येम्‍मा लुक्‍सो़क्‍या मेक।

२ थेसालोनीकेपा 3:6

पी़न्‍दाक्‍याओ, लेमेलाम्‍गीन ख्‍याम्‍बोक्‍या धाङ हीकी तेरता ॱलापच्‍याक्‍याला ॱमीचीगीनक्‍यामुला मादेप, ॱनेरी हेक्‍या होरी चोवो येशु मास्‍यीकागी छेनला खेक्‍याला कुलाहीन।

१ तीमोथेउ 1:6

मी रीङगा देक्‍या पारी, दो़न्‍दाक मेगीन ढो़लीङला गो खोरती धेदुक।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 3:8

क्षो़छोकगी श्‍याप्‍तोक्‍पाक्‍या याराप धाङ खा ॱङी मेगीन धाङ क्षाङ माङा थुङङी मेदो़गीन धाङ ॱङुला ॱहाम्‍बा मीझ्‍यीगीन हुङघो़गीलाक।

१ तीमोथेउ 4:7

क्षो़ मेगीन धाङ खुङलुङ मेगीन तामक्‍याने जेम्‍दी धो़क हीना क्षो़ झ्‍यीयेला ज्‍योङ।

१ तीमोथेउ 4:8

घीझ्‍येरी ॱनाना ली़गी ली़चेल ज्‍योङदारगी तीते च्‍यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्‍येरी ॱनाना देगी धान्‍दागी छे धाङ छीमागी छे ॱङीगाराला, फेन्‍दोकगी धाम्‍चा ॱनाङालाक।

१ तीमोथेउ 6:6

हीना क्षो़सेम धाङ मुला दो़पा खाङना, होदेराङ फेन क्षे लाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

२ तीमोथेउ 3:8

यानने धाङ याम्‍बारे ॱङीउगी मोशेला ङोलोक झ्‍यीगीन च्‍योक्‍रे, ॱलेपा रुरा धाङ धेपा शोक्‍पो हो़गीन, दे मीक्‍यागीयाः धेन्‍पाला ङोलोक झ्‍यीदालाक।

तीतोस 1:11

खुङक्‍या आलेगी स्‍याबाला ग्‍युक्‍वालाक धेनी ॱलापच्‍या शोक्‍पोक्‍या तेरती, नाङमी घीरीला ठुक्‍तु च्‍युक्‍वालाक। होझ्‍येरी खेक्‍या खुङक्‍याई खा काक घो़गुलाक।

२ पेटो 2:15

खुङक्‍याई ढाङतेनगी लाम पारी, लाम नोरती बेओरगी भीजा बालामगी स्‍याबाला डाङ हो़तालाक। खो नी मेढाङा झ्‍येरी, थोप्‍कीन ॱलाज्‍याला घालालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।

ॱङो़न्‍पा 18:13

धाङ स्‍यीङछा धाङ ॱमेन्‍ना धाङ पो़ धाङ मुररा धाङ पो़कार धाङ घुन्‍क्षाङ धाङ क्‍युरुस्‍यीङगी ॱनुम धाङ फे धाङ डो धाङ भालाङ धाङ लुक धाङ ता धाङ स्‍यीङता खोरलो धाङ ढेन्‍योक धाङ मीक्‍या लाक।

ॱङो़न्‍पा 18:3

घीझ्‍येरी ॱनाना मीरीक घीरीगी, मी़ दो़छाकगी घुन्‍क्षाङ घारागो थुदुक, धेनी साश्‍यीगी ग्‍यावुक्‍याई मी़मुला लोक्‍येम झ्‍येदुक, धेनी साश्‍यीगी छोङबाक्‍या मी़ दो़यो़नगी झ्‍येरी क्षुक्‍पु झ्‍युदुक।”