१ तीमोथेउ 6:17 - ॱलोवा

¹⁷ दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

१ तीमोथेउ 6:17 ပူးပေါင်းရင်းမြစ်များ

मेथा 12:32

धेनी मी-भुगी कोरला ङेन्‍पा ॱनागीन धीक्‍पा दे सेल्‍गीलाक हीना धाम्‍पे थुक्‍ङीगी कोरला ङेन्‍पा ॱनागीन धीक्‍पा दे, धान्‍दा धाङ माउपारगी धी़ थुक्‍पे ॱमेसेल्‍गीलाक।

मेथा 19:23

धेनी येशुगी खोङबागी ङेनेक्‍याला सुवालाक, “ङा खेक्‍याला धेन्‍पाराङ ॱनाहीन, मी क्षुक्‍पु च्‍यीकला नाम्‍खे ग्‍यासीला जुयेला, ॱमीच्‍यीकी काल्‍ले घाक्‍वा हो़तालाक।

मेथा 25:16

सेरगी टाङगा ॱङातोङ जोरकीनगो, लाम्‍साङ सोरी होदेने छोङ झ्‍येरी, सेरगी टाङगा ॱङातोङ यालीङ साक्‍पालाक।

मेथा 27:57

धेनी घोमो चो़ला आरीमाथीयाने, येशुगी ङेने हीन्‍गीन, योसेफ ॱनागीन मी क्षुक्‍पु च्‍यीक होवालाक।

मेथा 6:32

घीझ्‍येरी ॱनाना धेपा मीझ्‍यीगीनक्‍या, देक्‍या घीरी चालालाक धेनी नाम्‍खे श्‍यीङखामदु श्‍युक्‍कीन खीकी यापगी, खेक्‍याला दे घीरी घोलालाक ॱनेरी खेन्‍दालाक।

मारकु 10:24

खोङबागी सुङगीन देला ङेन्‍दी, ङेनेक्‍या ॱहालेवालाक। हीना येशुगी खुङक्‍याला धाब्‍ले सुवालाक, “टुवाक्‍याओ, को़न्‍क्षोकगी ग्‍यासीला डोये ॱमीच्‍यीकी काल्‍ले दुक।

लुका 19:2

होदुरु जाखाया ॱनागीन मी च्‍यीक हो़तालाक। खो ठा धुगीनगी चोगो लाक धेनी खो ॱमीच्‍यीकी क्षुक्‍पु हो़तालाक।

लुका 3:11

धेनी योहान्‍नागी खुङक्‍याला ॱनेवालाक, “खेक्‍याला घो़ ॱङी हो़ना च्‍यीक मेगीनला तेरघो़ धेनी शामा हो़गीनगीयाः होदेरेराङ झ्‍यीघो़।”

जेपा 14:17

खोङबागी ले शाङा झ्‍यीयेला बोर माजेपालाक। खोङबागी नाम्‍खाने क्षावा तारी धेनी धी़चो़ला लोदोक शोवा जेपालाक। शामा मेछो़ली ॱनाङदी मीक्‍याई सेम घाटोगी खाङ जेपालाक। देरे जेदी को़न्‍क्षोकगी क्षाक्‍लेक्‍याईराङ, खोङबागी पाङपो ॱनाङालाक।”

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

जेपा 17:25

धेनी मीगी लागागी पुपा चालाक घीन्‍दा, खोङबाला मेघोलालाक। हीना खोङबागीराङ मीक्‍याला घो़गीन मीछे धाङ उप धाङ श्‍येम्‍मा घो़गीन घीरी ॱनाङालाक।

रोमापा 11:20

दे धेन्‍पा लाक। खुङक्‍याई धेपा माझ्‍येवा खुङक्‍या च्‍येपालाक। हीना खेक्‍याई धेपा झ्‍येरी खेक्‍या ॱने हो़तालाक। होझ्‍येरी राङतो़ माझ्‍यी हीना जीक्‍नाङ झ्‍यी।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

१ थेसालोनीकेपा 1:9

घीझ्‍येरी ॱनाना खेक्‍याई हेक्‍याला फेप श्‍यी़गीन धाङ कुन्‍डाक्‍याला भोरती, खेक्‍या सो़न्‍पो धाङ धेन्‍पा, को़न्‍क्षोकला ॱङीङकुर श्‍यी़येला हुङगीन धाङ

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

१ तीमोथेउ 3:15

हीना ङा फी राक्‍ना, खीकी सो़न्‍पो को़न्‍क्षोकगी नाङला च्‍यो़पा घारे झ्‍यीघोयेगो, स्‍येला झ्‍यीयेगी क्षीला ढीक्‍पी। नाङ दे नी, सो़न्‍पो को़न्‍क्षोकगी क्षो़छोक धाङ धेन्‍पा ॱङीगी कावा धाङ ॱमाङस्‍यी हीन।

१ तीमोथेउ 4:10

दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

१ तीमोथेउ 6:9

हीना क्षुक्‍पु झ्‍युङये दो़पा झ्‍यीगीनक्‍या, ॱली़टे नाङदु छी़गीलाक धेनी ॱङीगी नाङदु छी़गीलाक। ॱलेन्‍दा धाङ मीला ॱनो़ क्‍यागीन धाङ मेताला ताङगीन, दो़क्षाक नाङदु छी़गीलाक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

तीतोस 3:6

को़न्‍क्षोकगी होरी क्‍याम्‍गो़न येशु मास्‍यीकागी थोक्‍ने, होराङला धाम्‍पे थुक्‍ङी मेछो़ली ॱनाङा जेपालाक।

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।