१ थेसालोनीकेपा 5:21 - ॱलोवा

²¹ हीना घीरीला छो़ता झ्‍यी धेनी शाङागोला तेन्‍पोमा शीम्‍दी धो़क।

१ थेसालोनीकेपा 5:21 ပူးပေါင်းရင်းမြစ်များ

लुका 12:57

राङगी क्षीला ढाङा घीन्‍गो ले ॱनेरी, घीझ्‍येरी थाक चे ॱमीथुवाले?

योहान्‍ना 15:4

ङी नाङ ॱने धेनी ङा खेक्‍या नाङ ॱनेलाहीन। याक्‍का नी घुन्‍डुम स्‍यीङदोङला ॱमेनेना, राङस्‍यीनगी ढेबु ॱमेकेगीन च्‍योक्‍रे, खेक्‍याः ङी नाङ ॱमेनेना, ढेबु क्षाक ॱमीथुक्‍वालाक।

योहान्‍ना 8:31

धेनी येशुगी राङला धेपा हो़गीन याहुदापाक्‍याला सुङा जेपालाक, “ङी काला ॱनेती धेना, खेक्‍या ॱङोन्‍नेराङ ङी ङेने लाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

१ कोरीन्‍थुपा 2:11

मी च्‍यीकगी साम्‍लोक्‍या राङगी सेमगी माना सी़ स्‍येगीलाक से? होदे च्‍योक्‍रे को़न्‍क्षोकगी थुकोङक्‍या को़न्‍क्षोकगी थुक्‍ङीगी माना, सी़या ॱमेस्‍येलालाक।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

एफीसुपा 5:10

धेनी चोवोगी थुक गेगीनगी दो़नगोक्‍या स्‍येलाझ्‍यी।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

फीलीप्‍पीपा 3:16

धेनी को़न्‍क्षोकगी होराङला सावो ॱङो़न जेजागोला च्‍यीगा तेन्‍ती, होराङ मीछे पी़घो़।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ थेसालोनीकेपा 5:22

ङेन्‍पा घीरीने जेम्‍दी धो़क।

२ थेसालोनीकेपा 2:15

होझ्‍येरी पी़न्‍दाक्‍याओ, तेन्‍पो झ्‍येरी धो़क धेनी हीकी खाने ॱनेना तामक्‍या याङमेना ढीक्‍टा यीक्‍याने, खेक्‍याला तेरता ॱलापच्‍याक्‍या तेन्‍पो झ्‍येरी ॱरुङ।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

२ तीमोथेउ 3:6

खुङक्‍याने रीङगा गोकोर तारी मीगी नाङक्‍याला जुरी, धीक्‍पा धाङ दो़पा ॱनाछोकगी ॱनेम्‍दी धेता केमी क्‍योवाक्‍याला, राङगी वाङदु धी़लालाक।

२ तीमोथेउ 4:14

शाङ शोगीन आलेक्‍जेन्‍डारगी ङाला ॱमीच्‍यीकी ॱनो़ क्‍याजुङ धेनी खी़ झ्‍येजागी लेन, चोवोगी खोला ॱनाङगीलाक।

ईब्‍रीपा 10:23

होरी खेलेन झ्‍येजा रेवाला तेन्‍पोमा ॱरुङघो़ घीझ्‍येरी ॱनाना धाम्‍चा जेगीन को़न्‍क्षोक नी, ॱलोते छोक्‍पा हो़तालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

ॱङो़न्‍पा 2:2

ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।

ॱङो़न्‍पा 2:25

हीना ङा माहुङगीन थुक्‍पे, खेक्‍याला हो़गीनगो तेन्‍पो ॱरुरी धो़क।

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।