१ पेटो 4:16 - ॱलोवा

¹⁶ घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।

१ पेटो 4:16 ပူးပေါင်းရင်းမြစ်များ

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 26:28

धेनी आगारीपागी ॱनेवालाक, “देरे धी़चो़ तीमेला ख्‍यो़ ङाला मास्‍यीकावा शोये साम्‍यी हो़ते?”

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

याकोब 2:7

धेनी खेक्‍याई तो़पा पुगीन धाङ खीकी ढेवा हो़गीन छेन गोला, कुरवा धेप्‍कीनगो खुङक्‍या माले?

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।

१ पेटो 4:19

होझ्‍येरी, को़न्‍क्षोकगी थुकोङगी थोक्‍ने दुक्‍पु ङ्याङगीनक्‍या, ले शाङा झ्‍यीदी घाङला राङगी ॱरोक ॱलोते छोक्‍पा को़न्‍क्षोकला च्‍योघो़।