१ पेटो 1:18 - ॱलोवा

¹⁸ घीझ्‍येरी ॱनाना को़न्‍क्षोकगी खीकी धाङबी फामाने झ्‍युजा दो़न मेगीन चो़लामक्‍याने, खेक्‍याला मेताला डुगीन सेर याङना ॱङुगी रीङ ज्‍यारी ॱली़वा मेन्‍दा,

१ पेटो 1:18 ပူးပေါင်းရင်းမြစ်များ

मारकु 8:37

याङमेना राङगी ॱरोक स्‍योरना, घीन्‍गीया होदे धाब्‍ले खेरती हुङ ॱमीथुक्‍कीलाक।

रोमापा 1:21

घीझ्‍येरी ॱनाना मी देक्‍याई को़न्‍क्षोकला ङोस्‍येरीयाः, खोङला पु घो़गीन कुरतीगो ॱमापुवालाक धेनी काटीन्‍क्षे गोवाः माश्‍यी़वालाक। हीना खुङक्‍याई साम्‍लो ताङदाङगो, क्षोमेगीन धाङ खुङक्‍याई ॱलेन्‍दा सेमगो मी़नाकगी खावालाक।

१ कोरीन्‍थुपा 3:20

धेनी याङ “खेवाक्‍याई साम्‍लो दो़न मेगीन हुङालाक ॱनेरी चोवो खेन्‍दालाक।”

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

१ कोरीन्‍थुपा 7:23

खेक्‍या नी रीङ ज्‍यारी ङ्यो़ङ्याक्‍या लाक। मीगी ढेन्‍योक माझ्‍युङ।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 9:12

धेनी रा धाङ भीक्‍याई ठाक मेन्‍दा, मास्‍यीका राङगी कुठाकगी गोने घीरीगी क्षीदु थेङ च्‍यीक्‍लाराङ धाम्‍पे धाम्‍पा ॱनेसा नाङदु फेप्‍ती, थामेपे थारपागो ॱनाङा जेपालाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।